લોકગાયક મણિરાજ બારોટની અમર સફર અને અંતિમ દિવસોમણિરાજ બારોટના અવસાનને ૧૬ વર્ષ વીતી ગયા હોવા છતાં, ઉત્તર ગુજરાતના પ્રખ્યાત ગાયકો જેવા કે જીગ્નેશ કવિરાજ કે ઉમેશ બારોટ આજે પણ મંચ (સ્ટેજ) પરથી મણિરાજને અચૂક યાદ કરે છે. તેઓ તેમની યાદમાં ગીતો બનાવે છે અને લોકો સામે રજૂ કરે છે.મિત્રો, આજના વીડિયોમાં આપણે જાણીશું કે પ્રખ્યાત લોકગાયક મણિરાજ બારોટે તેમના છેલ્લા કાર્યક્રમમાં શું કહ્યું હતું અને તેમનું મૃત્યુ નવરાત્રીના દિવસોમાં જ કેમ થયું હતું.
આ વીડિયો ખૂબ જ મહત્વપૂર્ણ બનવાનો છે, તેથી તેને અંત સુધી જરૂર જોજો. શરૂઆત કરીએ તે પહેલાં એક લાઈક જરૂર કરજો. રાતોરાત સ્ટાર બનવાની સફરમિત્રો, તમે લોકગાયક મણિરાજ બારોટને જરૂર જાણતા હશો. તેઓ લોકગાયકની સાથે-સાથે એક સફળ અભિનેતા પણ હતા. મણિરાજ બારોટનો જન્મ ઉત્તર ગુજરાતના પાટણ જિલ્લાના બાલવા ગામ**માં થયો હતો. તેમને નાનપણથી જ ગાવાનો ખૂબ શોખ હતો. તેઓ અવારનવાર પાટણ જિલ્લાના નાના-નાના ગામડાઓમાં પ્રોગ્રામ કરતા રહેતા હતા.ત્યારબાદ સંગીત ક્ષેત્રે આગળ વધીને તેમણે **‘મણિયારો આયો’** નામની પોતાની પ્રથમ ઓડિયો કેસેટ લોન્ચ કરી હતી.
આ કેસેટથી મણિરાજ બારોટ રાતોરાત સ્ટાર બની ગયા હતા. આ પછી તેઓ એક પછી એક નવી કેસેટો લાવતા રહ્યા અને આ રીતે સમગ્ર ગુજરાતમાં તેમની એક આગવી ઓળખ બની ગઈ.### ફિલ્મ જગતમાં એન્ટ્રી અને ‘સનેડો’નો ક્રેઝમણિરાજ બારોટે ફિલ્મોમાં પણ કામ કર્યું છે. તેમની પ્રથમ ગુજરાતી ફિલ્મ વર્ષ ૧૯૯૮માં રિલીઝ થઈ હતી, જેનું નામ **‘ઢોલો મારા મલકનો’** હતું. આ ફિલ્મ દર્શકોને ખૂબ જ પસંદ આવી હતી. ત્યાર પછી તેમણે ઘણી ગુજરાતી ફિલ્મોમાં કામ કર્યું, જેમાં ‘સેની વિજાણંદ’ નામની ફિલ્મ લોકોને ખૂબ જ ગમી હતી.મિત્રો, તમને જણાવી દઈએ કે મણિરાજ બારોટ ખાસ કરીને **‘સનેડો’** ગીત માટે જાણીતા છે.
આ ગીત લોન્ચ થતાં જ આખા માર્કેટમાં ધૂમ મચી ગઈ હતી અને જ્યાં જુઓ ત્યાં માત્ર ‘સનેડો’ ગીત જ સંભળાતું હતું. ‘સનેડો’ શબ્દનો અર્થ થાય છે ‘સ્નેહડો’ એટલે કે પ્રેમ. જ્યારે કોઈની સાથે પ્રેમ થઈ જાય, ત્યારે તળપદી શૈલીમાં એવું કહેવાય છે કે ‘તારી સાથે મને નેહ લાગી ગયો છે, સ્નેહ થઈ ગયો છે’, અને એ સ્નેહ જ્યારે અતિશય વધી જાય ત્યારે તેને ‘સનેડો’ કહેવાય છે.### પારિવારિક પૃષ્ઠભૂમિજો મણિરાજ બારોટના પરિવારની વાત કરીએ તો તેમને ચાર દીકરીઓ છે. તેમાંથી **હીરલ બારોટ** અને **પાયલ બારોટ** બંને સંગીત ક્ષેત્ર સાથે સંકળાયેલી છે. મણિરાજ બારોટના ભાઈ રસિકભાઈ બારોટ પણ એક જાણીતા લોકગાયક છે.> મણિરાજ બારોટને જો ગુજરાતી કલાકારોના **’ભીષ્મ પિતામહ’** કહેવામાં આવે તો એમાં કંઈ ખોટું નથી, કારણ કે આજના ઘણા મોટા કલાકારો એવા છે જેમણે મણિરાજભાઈને જોઈને જ સંગીત ક્ષેત્રે પ્રગતિ કરી છે.
> ### અંગત જીવનની સાચી વાતો અને મોટું દિલએવું કહેવાય છે કે મણિરાજ બારોટ દારૂ પીતા હતા, કારણ કે તેમની માનસિક સ્થિતિ એવી હતી કે જો તેઓ તે ન લેતા, તો મનમાં ચાલતા વિચારોના કારણે તેઓ પોતાના ચાહકોનું મનોરંજન કરી શકતા નહોતા. મણિરાજ બારોટ પોતાના લાઈવ કાર્યક્રમોમાં હજારો લોકોની સામે માઈક પર પોતાની આ ખરાબ આદતો વિશે ખુલ્લીને વાત કરતા હતા.જેમ જેસલ જાડેજાએ સતી તોરલની સામે પોતાની ખરાબ આદતોનો સ્વીકાર કર્યો હતો, છતાં આજે કચ્છના અંજારમાં તેમની પૂજા થાય છે; તેવી જ રીતે આ માણસે તો હજારો લોકોની સામે સ્ટેજ પર પોતાની નબળાઈ સ્વીકારી હતી,
તો શું એ વ્યક્તિ મહાન ન કહેવાય?### અંતિમ કાર્યક્રમ અને વિદાયમણિરાજ બારોટનું અવસાન થયું તેના થોડા દિવસો પહેલાં તેમણે ગીર સોમનાથ જિલ્લાના **આદ્રી ગામે** એક લોક ડાયરો કર્યો હતો. કહેવાય છે કે આ તેમનો છેલ્લો લોક ડાયરો હતો.ત્યારબાદ **૩૦ સપ્ટેમ્બર ૨૦૦૬**ના રોજ, નવરાત્રીના ત્રીજા દિવસે તેમનું દુખદ અવસાન થયું હતું. ભલે તેઓ આજે આપણી વચ્ચે નથી, પણ લોકોના દિલમાં તેઓ હંમેશા માટે અમર થઈ ગયા છે.
