ચંદ સા મુખડા, નીલી આંખેં ઓર દમકતી મુસ્કાન… આવી અપ્સરા જેવી સુંદરતા કોણ મેળવવા નહીં ઈચ્છે? આ વાતો કોઈ અન્ય માટે નહીં પણ વન એન્ડ ઓન્લી ‘બ્યુટી વિથ બ્રેઈન’ ઐશ્વર્યા રાય બચ્ચન વિશે છે. પૂર્વ વિશ્વ સુંદરી દુનિયાની સૌથી સુંદર મહિલાઓમાં ગણાય છે, પરંતુ તમને જાણીને નવાઈ લાગશે કે આ નૂર માત્ર ઐશ્વર્યા પાસે જ નહીં, પરંતુ તેમની હમશકલ (તેમના જેવી જ દેખાતી) યુવતીઓ પાસે પણ છે.
જી હા, ઐશ્વર્યાની જેમ આબેહૂબ દેખાતી કેટલીક એવી હસીનાઓ પણ છે જે અભિનેત્રીની દરેક અદાની નકલ પણ ખૂબ જ સરસ રીતે કરી લે છે.આમ તો તમે અવારનવાર લોકોને કહેતા સાંભળ્યા હશે કે દુનિયામાં એક જ સરખા ચહેરાવાળા સાત લોકો હોય છે, અને ઐશ્વર્યાના કિસ્સામાં તો આ વાત બિલકુલ સાચી સાબિત થઈ છે. આખરે તેમના જેવી દેખાતી સાત સુંદરીઓ જ્યારે દુનિયામાં હાજર છે, તો ચાલો આજે તમને મેળવીએ આ હસીનાઓ સાથે જેમને ઐશ્વર્યા રાયની કાર્બન કોપી કહેવામાં આવે છે.સૌથી પહેલા તો વિશ્વ સુંદરી ઐશ્વર્યા રાયની જેમ દેખાતી આ મોડલ વિશે વાત કરીએ જે ઐશ્વર્યાની જેમ જ ઈન્ડિયન બ્યુટી છે. ઈન્દોરની આ કન્યાનું નામ આશિતા સિંહ રાઠોડ છે,
જેનો ચહેરો આબેહૂબ ઐશ્વર્યા જેવો જ દેખાય છે. થોડા સમય પહેલા જ આશિતાના વીડિયોએ સોશિયલ મીડિયા પર ધૂમ મચાવી હતી, જેમાં ક્યારેક તે ઐશ્વર્યાના હિટ ગીતો પર ડાન્સ કરતી તો ક્યારેક તેના પોપ્યુલર ડાયલોગ્સ પર લિપ-સિંક કરતી જોવા મળતી હતી. પોતાની આંખોના કારણે આશિતા આબેહૂબ ઐશ્વર્યા જેવી દેખાય છે. સ્થિતિ એ છે કે આજે ઐશ્વર્યા સાથે મળતા આવતા ચહેરાને કારણે આશિતા તેમની ડિટો કોપી તરીકે ખૂબ પ્રખ્યાત થઈ ગઈ છે.જોકે આશિતા રાઠોડ સિવાય પણ ઘણા એવા સુંદર ચહેરા છે જે ઐશ્વર્યા રાય જેવા દેખાય છે. આ લિસ્ટમાં સૌથી ઉપર બોલિવૂડ એક્ટ્રેસ સ્નેહા ઉલ્લાલનું નામ આવે છે. સ્નેહા ઉલ્લાલ વર્ષ 2005માં સલમાન ખાન સાથે ફિલ્મ ‘લકી: નો ટાઈમ ફોર લવ’માં જોવા મળી હતી. સ્નેહા ઉલ્લાલને ઐશ્વર્યાની કાર્બન કોપી કહેવામાં આવે છે.કેરળમાં પણ ઐશ્વર્યા રાયની એક ફોટોકોપી હાજર છે.
સોશિયલ મીડિયા સ્ટાર અમૃતા સાજુ એ સમયે ચર્ચામાં આવી હતી જ્યારે તેણે ટિકટોક પર ઐશ્વર્યાની ફિલ્મોના ડાયલોગ્સ પર લિપ-સિંક કરતા વીડિયો શેર કર્યા હતા. ઐશ્વર્યા સાથે મળતા આવતા ચહેરાના કારણે તેને ઘણી લોકપ્રિયતા મળી છે.ઐશ્વર્યા રાયની હમશકલોની યાદીમાં પાકિસ્તાની ટિકટોક સ્ટાર આમના ઈમરાનનું નામ પણ સામેલ છે, કારણ કે તે પૂરેપૂરી ઐશ્વર્યા જેવી જ દેખાય છે. તેની તસવીરો જોઈને કોઈ પણ અસલી-નકલીનો તફાવત પારખી શકતું નથી. આમનાની આંખો અને હોઠ ઐશ્વર્યાને ખૂબ મળતા આવે છે. તેની સુંદરતા જોઈને અવારનવાર લોકો આશ્ચર્યચકિત થઈ જાય છે
.ઐશ્વર્યા રાયની એક હમશકલ ઈરાનમાં પણ છે, જેનું નામ મહલઘા જબરી છે. વ્યવસાયે મોડલ એવી મહલઘા ઐશ્વર્યા રાયની ડુપ્લિકેટ હોવાને કારણે ધૂમ મચાવે છે. ઐશ્વર્યાની આ હમશકલ તેમની જેમ જ ખૂબ સુંદર છે. રસપ્રદ વાત એ છે કે ઐશ્વર્યાની જેમ જ આ હમશકલની આંખો પણ વાદળી (નીલી) છે.મરાઠી એક્ટ્રેસ માનસી નાઈકનો ચહેરો પણ ઘણી હદ સુધી ઐશ્વર્યા રાય સાથે મળે છે. બંનેના ચહેરા જોઈને સોશિયલ મીડિયા પર ફેન્સ માનસીને ઐશ્વર્યાની નાની બહેન તરીકે પણ બોલાવે છે. તે બિલકુલ ઐશ્વર્યા રાય બચ્ચન જેવી જ દેખાય છે.
