સરકારનું હાઈ પાવર્ડ ડેમોગ્રાફી મિશન શું છે?

નમસ્કાર દર્શક મિત્રો દેશની સુરક્ષા અને સરહદોને લઈને કેન્દ્રીય ગૃહ મંત્રી અમિત શાહે એક મોટું નિવેદન આપ્યું છે. આજે રોજ તેઓ રુસ્તમજી મેમોરિયલ લેક્ચરમાં પહોંચ્યા હતા. પણ એક સવાલ થાય છે કે રુસ્તમજી મેમોરિયલ લેક્ચર આખરે કોના નામ પર છે? કે. એફ. રુસ્તમજી કે ખુસરો ફરામુરઝ રુસ્તમજી ભારતના સૌથી પ્રખ્યાત પોલીસ અધિકારીઓમાંથી એક હતા. ભારત-પાક યુદ્ધ બાદ જ્યારે દેશને મજબૂત સરહદી સુરક્ષા દળની જરૂર પડી ત્યારે બોર્ડર સિક્યોરિટી ફોર્સ એટલે કે બીએસએફની રચના કરવામાં આવી હતી અને રુસ્તમજી તેના પ્રથમ મહાનિર્દેશક બન્યા હતા. તેમણે બીએસએફને માત્ર એક દળ નહીં પરંતુ દેશની સરહદોનું મજબૂત રક્ષણ કરતી શિસ્તબદ્ધ ફોર્સ બનાવવામાં મોટી ભૂમિકા ભજવી હતી. આજે પણ તેમને બીએસએફના પિતા તરીકે યાદ કરવામાં આવે છે. તેમની યાદમાં દર વર્ષે રુસ્તમજી મેમોરિયલ લેક્ચર યોજાય છે જ્યાં દેશની સુરક્ષા, આતંકવાદ અને સરહદ સુરક્ષા જેવા મહત્વના મુદ્દાઓ પર ચર્ચા થાય છે.રુસ્તમજી મેમોરિયલ લેક્ચરને સંબોધિત કરતી વખતે ગૃહ મંત્રી અમિત શાહે સ્પષ્ટ શબ્દોમાં કહ્યું છે કે ભારત સરકાર માત્ર સરહદ પરથી થતી ઘૂસણખોરીને રોકશે નહીં પણ દેશમાં ગેરકાયદે ઘૂસેલા એક-એક ઘૂસણખોરને શોધીને ડિપોર્ટ પણ કરશે.

અમિત શાહે ખાસ કરીને દેશની ડેમોગ્રાફી કે વસ્તી રચનામાં થતા ફેરફારો પર પણ ચિંતા વ્યક્ત કરી હતી. આ ડેમોગ્રાફી એટલે શું? સરળ શબ્દોમાં કહીએ તો કોઈ વિસ્તાર અથવા દેશની વસ્તીમાં રહેતા લોકોની સંખ્યા, તેમનો ધર્મ, ભાષા, જાતિ, ઉંમર અને સમાજની રચનાને ડેમોગ્રાફી કહેવામાં આવે છે. અમિત શાહે સરહદ ઉપર થતી ઘૂસણખોરી વિષયે પોતાના ભાષણમાં શું કહ્યું, આવો સાંભળીએ:”બોર્ડરના કામમાં આપણે ખૂબ નજીક પહોંચી ગયા છીએ. હું સીમા સુરક્ષા બલના જવાનોને ભરોસો અપાવવા માંગું છું કે 60મા વર્ષમાં જ આપણે સ્માર્ટ બોર્ડર પ્રોજેક્ટ લોન્ચ કરીને બાંગ્લાદેશ અને પાકિસ્તાનની પૂરી સીમાને અભેદ કરીશું અને આનાથી તમારા કામમાં તમને બહુ મોટી ટેકનિકલ સહાય ઉપલબ્ધ થઈ જશે. ટેકનિકલ સહાય મળ્યા પછી તમારા પરાક્રમ, તમારા શૌર્ય, તમારા સમર્પણ, તમારી દેશભક્તિની સાથે-સાથે એક મજબૂત સપોર્ટ ટેકનિકનો પણ તમારી પાસે ઉપલબ્ધ હશે, જેનાથી આપણે બંને સીમાઓને સુરક્ષિત કરી દઈશું.હું આજે સીમા સુરક્ષા બલના કાર્યક્રમમાં આવ્યો છું ત્યારે ઘૂસણખોરી પર પણ વાત કરવા માંગું છું. ભારત સરકારે આ નક્કી કર્યું છે કે આપણે ન માત્ર ઘૂસણખોરીને રોકીશું, પરંતુ એક-એક ઘૂસણખોરને વીણી-વીણીને દેશની બહાર કાઢીશું અને આપણી જનસાંખ્યિકી (ડેમોગ્રાફી) માં કૃત્રિમ બદલાવ નહીં થવા દઈએ. આ જે જનસાંખ્યિકી બદલાવ કરવાનું ષડયંત્ર છે, તેને સીમા સુરક્ષા બલે જ રોકવાનું છે.

અને આજે હું બહુ શાંતિથી, નિશ્ચિંત મને તમને કહી રહ્યો છું કે હવે ત્રિપુરા, આસામ અને પશ્ચિમ બંગાળ ત્રણેય જગ્યાએ એવી સરકારો છે જે નીતિગત રીતે માને છે કે દેશમાં ઘૂસણખોરી ન થવી જોઈએ.હવે સીમા સુરક્ષા બલની જવાબદારી છે કે આપણે ન માત્ર સીમાઓની સુરક્ષા કરીએ, પરંતુ ગામના પટવારી સાથે આપણો સંવાદ હોવો જોઈએ, ગામના પોલીસ સ્ટેશન સાથે આપણો સંવાદ હોવો જોઈએ, ડિસ્ટ્રિક્ટ કલેક્ટર સાથે, ડીડીઓ સાથે, ડિસ્ટ્રિક્ટ એસપી સાથે આપણો સંવાદ હોવો જોઈએ. કયો નવો ઘૂસણખોર આવ્યો છે? શું રૂટ છે? ક્યાંથી તસ્કરી થઈ રહી છે? ક્યાંથી ગૌ-તસ્કરી થઈ રહી છે? આ બધા રૂટોને શોધી-શોધીને બંધ કરવા, સમાપ્ત કરવા એ બીએસએફની જવાબદારી છે. આવનારા દિવસોમાં ત્રણેય રાજ્યોના મુખ્યમંત્રીઓ સાથે ગૃહ મંત્રાલયમાં આપણે એક બેઠક પણ કરવાના છીએ અને ઘૂસણખોરીની દ્રષ્ટિએ એક મજબૂત સુરક્ષા ગ્રીડ આપણે બનાવવાના છીએ.પરંતુ મારો સીમા સુરક્ષા બલને પણ આગ્રહ છે કે તમે પણ કેવળ સીમાની જગ્યાએ હવે ડિસ્ટ્રિક્ટ કલેક્ટરથી લઈને પટવારી સુધી, એસપીથી લઈને પોલીસ સ્ટેશનના ઇન્ચાર્જ સુધી આપણો સંવાદ હોવો જોઈએ અને આમનાથી મળેલી બધી ઇન્ફોર્મેશનનો ઉપયોગ કરીને ઘૂસણખોરોને નિકાળવાની એક સુચારુ વ્યવસ્થા પણ બનાવવી જોઈએ, ઘૂસણખોરીને રોકવાની પણ વ્યવસ્થા બનાવવી જોઈએ. અને હું માનું છું કે હવે સમય આવી ગયો છે કે વર્ષોથી જે ઘૂસણખોરીનો કાર્યક્રમ બેરોકટોક ચાલે છે તેને આપણે રોકી દેવો પડશે અને આ તમે બધાએ કરીને બતાવ્યું છે. મને ઘણા નિવૃત્ત પોલીસ અફસરોએ કહ્યું હતું કે નક્સલ મુક્ત અભિયાન હાથમાં ન લો, આ ન થઈ શકે, એમની સાથે સંવાદ કરો. મને પણ કહ્યું હતું, માનનીય પ્રધાનમંત્રીજીને પણ કહ્યું હતું, પરંતુ ભારત સરકાર અડગ રહી છે.

સીઆરપીએફ, બીએસએફ, આઈટીબીપી, રાજ્યની પોલીસ બધા લાગેલા રહ્યા છે અને પાંચ દાયકા જૂની સમસ્યા આજે જોતજોતામાં સમાપ્ત થઈને ભારત નક્સલ મુક્ત થઈ ચૂક્યું છે. અને આ આપણા જવાનોએ કરીને બતાવ્યું છે કે સમસ્યાને સાચવી રાખવી, કંટ્રોલમાં રાખવી એ સુરક્ષાનો દ્રષ્ટિકોણ ન હોઈ શકે. સમસ્યાને મૂળ સમેત સમાપ્ત કરવી એ જ સુરક્ષાનો દ્રષ્ટિકોણ હોઈ શકે અને તે આજે સિદ્ધ થઈ ચૂક્યું છે અને હવે ઘૂસણખોરી માટે પણ બીએસએફએ આ જ દ્રઢતા સાથે આગળ વધવું જોઈએ.વાઇબ્રન્ટ વિલેજ વન, વાઇબ્રન્ટ વિલેજ ટુ તમારા સમર્થનમાં એક લોકતાંત્રિક રીતે ચલાવવામાં આવેલો વિકાસનો કાર્યક્રમ છે. બીએસએફના અધિકાર ક્ષેત્રમાં 15 કિલોમીટર સુધી જે અધિકાર ક્ષેત્ર હતું તેને વધારીને આપણે 50 કિલોમીટર કર્યું છે અને હવે બંગાળ સરકારે પણ જેટલી ભૂમિ આપવાની હતી તે બધી આપવાનો નિર્ણય કરી લીધો છે, કેટલીક તો હેન્ડઓવર પણ કરી દીધી છે. હવે આપણી પાસે કામ છે કે આને આપણે આગળ વધારીએ. માનનીય પ્રધાનમંત્રીજીએ હાઈ પાવર ડેમોગ્રાફી મિશનની શરૂઆત કરી છે, થોડા જ દિવસોમાં આની ઘોષણા થઈ જશે, આનું ચાર્ટર પણ બની જશે. હાઈ પાવર ડેમોગ્રાફી મિશન પણ ચિહ્નિત કરેલા પોઈન્ટ્સને બીએસએફના અને સીમા સુરક્ષા બલના જવાનો માટે ઉપલબ્ધ કરાવશે. આ બધી વસ્તુઓનો ઉપયોગ કરતા આપણે આવનારા દિવસોમાં એક મજબૂત સુરક્ષા ગ્રીડ બંને દેશોની સીમાઓ પર બનાવવી પડશે અને આના માટે એક બહુ મોટો પ્રચાર-અભિયાન પણ ચલાવવો પડશે.મિત્રો, જે રીતે મેં કહ્યું કે 60મું વર્ષ એક સ્માર્ટ બોર્ડર બનાવવાનું વર્ષ છે,

તેવી જ રીતે 60મું વર્ષ બીએસએફના જવાનોના કલ્યાણનું પણ વર્ષ છે. 2 મહિનાની અંદર જ નરેન્દ્ર મોદી સરકાર બીએસએફ અને તમામ સીએપીએફના જવાનો માટે એક બહુ મોટો કાર્યક્રમ લઈને આવશે. જેનાથી આપણા જવાન નિશ્ચિંત થઈને સીમાઓની સુરક્ષા કરે, તેમના પરિવારજનોની ચિંતા ભારત સરકારનું ગૃહ મંત્રાલય કરે, આ પ્રકારનો એક કાર્યક્રમ પણ આપણે આવનારા એક વર્ષની અંદર લઈને આવીશું. આપણે એક બહુ મોટો અભિયાન થોડા સમય પછી નાર્કોટિક્સ વિરુદ્ધ પણ દેશમાં ચલાવવા જઈ રહ્યા છીએ. આમાં પણ સીમા સુરક્ષા બલની બહુ અહેમ ભૂમિકા રહેવાની છે અને સીમા સુરક્ષા બલની સતર્કતાથી બંને તરફની માહિતી એકત્રિત કરીને નાર્કોટિક્સ વિરુદ્ધ લડાઈમાં પણ તમારું બહુ મોટું યોગદાન છે.મિત્રો, આવનારા ત્રણ-ચાર વર્ષ એક પ્રકારે સીમાની સુરક્ષામાં સંપૂર્ણ બદલાવના ચાર વર્ષ રહેવાના છે અને આપણે આના માટે અત્યારથી જ કમર કસી લેવાની છે, મનથી તૈયારી કરવાની છે. ટેકનિકલ સુરક્ષા આવવાથી જવાનોની જવાબદારી ઓછી નથી થતી, ટેકનિકલ સુરક્ષાનો સપોર્ટ આવવાથી જવાનોની જવાબદારી વધે છે.

આ ભાવની સાથે ટેકનિકને આત્મસાત કરતા, સ્થાનિક લોકો સાથે સંવાદ પ્રસ્થાપિત કરતા, સ્થાનિક પ્રશાસન સાથે તાલમેલ વધારતા આપણે બધા એકવાર લક્ષ્ય નક્કી કરી લઈએ કે આ દેશને ઘૂસણખોરીથી મુક્ત કરવો છે અને આપણી જનસાંખ્યિકીમાં કૃત્રિમ પરિવર્તનને આપણે રોકવામાં સફળ થઈએ તો મને નથી લાગતું કે આ બહુ કઠિન કામ છે. હું આપ સૌની પાસે અપેક્ષા રાખું છું કે આવનારા દિવસોમાં જે અભિયાન ચાલવાનું છે તેમાં તમારો પૂર્ણ મનોયોગ સાથે સહયોગ મળશે અને આપણે એક નવી સુરક્ષા ગ્રીડનું નિર્માણ પશ્ચિમી અને પૂર્વી બંને સીમાઓ પર બનાવવામાં સફળ થઈશું. ફરીથી એકવાર શ્રીમાન રુસ્તમજીને મનપૂર્વક નમન પણ કરવા માંગું છું અને તેમના કામની સરાહના પણ કરવા માંગું છું અને જે જવાનોએ પોતાનું સર્વોચ્ચ બલિદાન આપ્યું છે

, તે બધાને શ્રદ્ધાંજલિ આપીને મારી વાણીને વિરામ આપું છું. વંદે માતરમ. ખુબ ખુબ ધન્યવાદ શ્રીમાન.”અને હવે અમારો નિવેદન છે શ્રી પ્રવીણ કુમાર મહાનિદેશક સીમા સુરક્ષા બલને કે તેઓ સમસ્ત સીમા પ્રહરીઓ તરફથી માનનીય મુખ્ય અતિથિ મહોદયને યાદગાર સ્વરૂપ સ્મૃતિ ચિન્હ ભેટ કરે જે મહોદયના હૃદયમાં આ દિવસની યાદને હંમેશા સંજોવી રાખશે.સરકારનું માનવું છે કે આ પગલાં દેશની આંતરિક સુરક્ષા અને સરહદી સુરક્ષાને નવા સ્તરે લઈ જશે. હવે જોવાનું રહ્યું કે આ પ્રોજેક્ટ અને મિશન જમીન પર કેટલા અસરકારક સાબિત થાય છે. પ્રોજેક્ટ બાદ આપણા દેશમાંથી ડેમોગ્રાફીની સમસ્યા દૂર થશે? તો સમાચારોમાં અત્યારે બસ આટલું જ, જોતા રહો જમાવટ. જો તમે અમને યુટ્યુબ પર જોઈ રહ્યા હોવ તો સબ્સ્ક્રાઇબ કરો, જો તમે અમને ફેસબુક પર જોઈ રહ્યા હોવ તો ફોલો કરો અને સાથે જ અમારી વોટ્સએપ ચેનલ આવી ગઈ છે તો જોઈન કરવાનું ભૂલતા નહીં. નમસ્કાર.