: નાના પાટેકરનું ગુરુવારે 8 ઓક્ટોબરના રોજ કાર્ડિયક એરેસ્ટના કારણે નિધન થયું હતું. જેવા તેના અવસાનના સમાચાર સામે આવ્યા, તેની સાથે જ ઘણા લોકો સ્તબ્ધ થઈ ગયા હતા. તેમના નિધનના ચાર દિવસ પહેલા જ નાના પાટેકર એક ઇવેન્ટમાં સામેલ થયા હતા, આ દરમિયાન તેણે કેટલીક એવી વાતો કહી હતી,
જેને સાંભળીને તેના ચાહકો ભાવુક થઈ ગયા હતા. હજુ પણ તેનો આ વીડિયો સોશિયલ મીડિયા પર વાયરલ થઈ રહ્યો છે. આ વચ્ચે ટીવી એક્ટ્રેસ સાઈ દેવધરે પણ નાના પાટેકરના નિધન પર શોક વ્યક્ત કર્યો છે અને સાથે જ તેણે પોતાના પરિવાર સાથેના ભાવનાત્મક સંબંધો વિશે વાત કરી. સાઈએ જણાવ્યું કે, તેની માતાને નાના પાટેકરે બહેન માની હતી.સાઈ દેવધરે ટેલી ટોક ઇન્ડિયા સાથેની વાતચીત દરમિયાન કહ્યું, “મને અત્યાર સુધી વિશ્વાસ નથી થઈ રહ્યો કે તે આ દુનિયામાં નથી. મારા મમ્મીની તેની સાથે ચાર દિવસ પહેલા જ વાત થઈ હતી.
તેઓ અમારા પરિવારથી ખૂબ જ નજીક હતા. હું તેમને મારી ફિલ્મની સ્ક્રીનિંગ પર કોલ કરવાની હતી અને તેઓને બોલાવવાની હતી. પરંતુ તે પહેલા દુઃખદ સમાચાર આવ્યા. તે મારા મામા હતા, મારા માનેલા મામા. તે મારા માતા-પિતાના તે સમયના મિત્ર હતા, જ્યારે તેઓ સ્ટાર બન્યા નહોતા. હું જ્યારે નાની હતી તો તે હંમેશા ઘરે આવતા હતા અને પછી અમને જમવા કે આઇસ્ક્રીમ ખવડાવવા બહાર લઈ જતાં હતા.”
આ વાતચીત દરમિયાન સાઈએ નાના પાટેકર સાથે જોડાયેલો એક રસપ્રદ કિસ્સો પણ સંભળાવ્યો. તેણે કહ્યું, “એક દિવસ અમે આઈસ્ક્રીમ ખાવા ગયા હતા. નાના કાકાને લાગ્યું કે મારા પિતાની પાસે પૈસા છે અને પપ્પાને લાગ્યું કે તેઓની પાસે પૈસા છે. પરંતુ જેવા અમે આઈસક્રીમ ખાવા પહોંચ્યા, અમારામાંથી કોઈની પાસે પૈસા નહોતા. મારા માતા-પિતા તેમની ફિલ્મ પ્રહાર સાથે જોડાયેલા હતા. ફિલ્મ દરમિયાન મારા માતા-પિતા અને નાના કાકા હંમેશા સાથે સમય પસાર કરતા હતા. તેઓ તેમના સૌથી નજીકના મિત્ર હતા, એટલે તે મારા ઘરે આવતા જતા રહેતા. મારા પિતા નાના કાકાના જમણા હાથ બરાબર હતા.
