અત્યાર સુધી ખાન સર તરીકે પ્રખ્યાત કોચિંગ ટીચરને હવે ફૈઝલ ખાન તરીકે ઓળખવામાં આવી રહ્યા છે. જેમની અવાજના લાખો ચાહક હતા, આજે પોલીસની પાંચ ટીમો તેમને શોધી રહી છે. જેમની પાસેથી હજારો વિદ્યાર્થીઓ ભણવાની ઇચ્છા રાખતા, એ બશીર ખાનનો દીકરો આજે હીરોમાંથી વિલન બની ગયો છે.
દરેક વ્યક્તિ જેમને ખાન સર તરીકે ઓળખતો હતો. એક નામ, જે દેશભરમાં તેમના અનોખી સ્ટાઇલમાં શિક્ષણ માટે પ્રસિદ્ધ થયું હતું. એક બંધ રૂમથી શરૂ થયેલો સફર યૂટ્યુબ પર આંદોલન બની ગયું. લોકપ્રિયતા એટલી કે, તેમની એક ઝલક જોવા માટે હજારો લોકો ભેગા થઈ જતા હતા. જ્યારે ઓનલાઇન ક્લાસ શરૂ થાય ત્યારે લાખો લોકો રિયલ ટાઈમમાં તેમના વીડિયો જુએ. દરેક મંચ પરથી તેઓ એક જ સપનું બતાવતા કે, કોઈ ગરીબ મારા દરવાજે આવે તો માત્ર ગરીબીના કારણે તેના સપના ન મરી જાય એ માટે હું સતત પ્રયાસ કરીશ. હોમગાર્ડ-કોન્સ્ટેબલ ભરતીથી લઈને UPSC સુધીના વિદ્યાર્થીઓમાં ખાન સરનું નામ એક આદરણીય વ્યક્તિ તરીકે પ્રખ્યાત હતું. જોકે, આજે સ્થિતિ તદ્દન અલગ છે
કહેવાય છે ને, દરેક વ્યક્તિ સફળતાનો શોર્ટકટ જાણવા માગે છે. એટલે જ, જ્યારે કોઈ સફળ ઉમેદવાર ખાન સરનું નામ લે છે, ત્યારે લાખો યુવાનો તેમના ચાહક બની જાય છે. એ જ ખાન સરને આજે લોકો ‘ફૈઝલ ખાન’ તરીકે સંબોધી રહ્યા છે. નામ લખવામાં કે બોલવામાં કોઈ મુશ્કેલી નથી, પણ આજે ‘સર’ દૂર થઈ ગયું અને નામનું પહેલું શબ્દ જોડાઈ ગયું એટલે બધું જ બદલાઈ ગયું હોય એવું લાગે છે. ફૈઝલ ખાન હાલ ફરાર છે, તેમને શોધવા માટે પાંચ અધિકારીઓની ટીમ બનાવવામાં આવી છે, જેમાં બે DSP અને ત્રણ SHO સામેલ છે. ખાન સરથી ફૈઝલ ખાન બનવાનો સફર, હીરોમાંથી વિલન બનવા સુધીની કહાની કહી જાય છે
કેવી રીતે વિલન બની ગયા ખાન સર? – આ મામલો 2 જૂન 2026ની રાતનો છે. પટણાની ખાન ગ્લોબલ એકેડેમી બહાર થયેલા હોબાળા દરમિયાન ખાન સરે પોતાના સુરક્ષા ગાર્ડ્સને ભીડને ડરાવવા અને હટાવવા માટે હવામાં ફાયરિંગ કરવા કહ્યું હતું. પોલીસની FIR મુજબ, તેમના ગાર્ડ્સે રાઈફલથી અનેક રાઉન્ડ ગોળીઓ ચલાવી હતી, જેના કારણે સમગ્ર વિસ્તારમાં ડરનો માહોલ ફેલાઈ ગયો. પોલીસનું કહેવું છે કે આ ફાયરિંગ ગેરકાયદેસર રીતે કરવામાં આવી હતી. આ સાથે જ, તેમની સંસ્થા અને સ્ટાફ પર હિંસક પ્રતિક્રિયા વધારવાનો અને કાયદા-વ્યવસ્થાને અસર પહોંચાડવાનો આરોપ પણ છે.
જ્યારે કોઈ વિલન બને છે ત્યારે તેના દરેક દોષ બહાર આવવા લાગે છે. હવે FIR સિવાયના મામલાઓ પણ સામે આવી રહ્યા છે. એક વીડિયો વાયરલ થઈ રહ્યો છે જેમાં ખાન સર એક વિદ્યાર્થીને ગાળો આપતા સાંભળાઈ રહ્યા છે. વિદ્યાર્થીએ ‘સિંગર’ નામના વોટ્સએપ ગ્રુપમાં જોડાવાનું કહ્યું હતું. જેના પર ભડકી જતા તેમણે કહ્યું હતું કે, “સિંગર છે તો પરિવારની બે મહિલાને નચાવી દે, કોઈ નોકરી કરતા વધારે પૈસા મળશે.” થઈ શકે છે કે, ખાન સરને જ્યારે કોર્ટમાં રજૂ કરવામાં આવે ત્યારે કેટલાક અન્ય જૂના મામલા બહાર આવી જાય. હાલ તો તેમની કોશિશ એ છે કે આગોતરા જામીન મળી જાય જેથી તેઓ જેલથી બચી શકે અને તેમનું કોચિંગ સામ્રાજ્ય પણ બચી જાય, પરંતુ તેમની છબી પર ડાઘ તો લાગી ગયો છે.
ખાન સરનો ઉદય – ઉત્તર પ્રદેશના દેવરિયામાં ભાટપાર રાણી નામનો એક તાલુકો છે. અહીં જ ખાન સરનો જન્મ થયો અને બાળપણ વિત્યું. તેઓ પરમાર મિશન સ્કૂલમાં ભણ્યા. પછી તેમના પિતા બશીર ખાન પરિવાર સાથે પટણામાં વસ્યા. ફૈઝલ ખાનનું સપનું આર્મી જોડાવાનું હતું. તેમના મોટા ભાઈ પોતે કમાન્ડો છે. ખાન સરે પોતાના વીડિયોમાં દાવો કર્યો છે કે તેઓ NDA પાસ થયા હતા, પણ ફિઝિકલ ટેસ્ટમાં હાથની એક તકલીફને કારણે તેમણે તક ગુમાવી દીધી. તેમના કહેવા મુજબ, વિદ્યાર્થી જીવનમાં જ તેમણે પરિવારને સપોર્ટ કરવા માટે વેલ્ડિંગનું કામ કર્યું અને JCB પણ ચલાવ્યું. પછી અલ્હાબાદ યુનિવર્સિટીમાંથી BSc અને ભૂગોળમાં MAની ડિગ્રી મેળવી.
