જેફરી એપસ્ટીન બાળકો અને મહિલાઓનો સોદાગર, બળાત્કારી અને ક્રૂરતાનું પ્રતિક હતો. તેના આઇલેન્ડ પર તેના મિત્રો આવતા અને ત્યાં જે કંઈ થતું હતું તેની તસવીરો હવે આખી દુનિયાએ જોઈ છે. પરંતુ પ્રશ્ન એ છે કે શું જેફરી એપસ્ટીન એકલો હતો? શું આ બધું તે પોતે જ કરી રહ્યો હતો? આ પ્રશ્નનો જવાબ છે નહીં. કારણ કે સેક્સ ઓફેન્ડર એપસ્ટીનના દરેક ગુનામાં તેની પ્રેમિકા અને ક્રાઇમ પાર્ટનર ગિલેન મેક્સવેલ પૂરેપૂરો સાથ આપતી હતી.ગિલેન મેક્સવેલ એ એપસ્ટીનના દરેક ગુનામાં સમાન ભાગીદાર હતી. એપસ્ટીન સુધી જે કંઈ પહોંચવું હોય તે માટે ગિલેન છેલ્લો ફિલ્ટર હતી.
આ વીડિયોમાં આપણે જેફરી એપસ્ટીનની ક્રાઇમ પાર્ટનર અને લવર ગિલેન મેક્સવેલ વિશે જાણશું.ગિલેન અને એપસ્ટીનની મુલાકાત 1991માં ન્યૂયોર્કમાં થઈ. બંને વચ્ચે નજીકતા વધતી ગઈ. ગિલેનને બાળપણથી એવું લાગતું હતું કે સર્વાઇવ કરવાનો એકમાત્ર રસ્તો સામેના માણસને ખુશ રાખવાનો છે. એ જ કામ તેણે એપસ્ટીન સાથે કર્યું. તેના દરેક નાપાક કામમાં તેનો સાથ આપીને તેને ખુશ રાખ્યો.એપસ્ટીન વ્યવસાયે અમેરિકાનો ફાઇનાન્સર હતો. તેની પાસે પૈસા હતા પરંતુ ગિલેન પાસે તે ક્લાસ અને કનેક્શન હતા જે એપસ્ટીનને જોઈએ હતા. બંને એકબીજા માટે પરફેક્ટ ફિટ હતા. પરંતુ આ બધું શરૂ કેવી રીતે થયું, તે સમજવા માટે થોડું પાછળ જવું પડશે.1961માં ફ્રાંસમાં ગિલેન મેક્સવેલનો જન્મ થયો. તેના પિતાનું નામ રોબર્ટ મેક્સવેલ હતું, જે મોટા પબ્લિશિંગ હાઉસના માલિક અને સાંસદ પણ હતા. ગિલેન નવ ભાઈ બહેનોમાં સૌથી નાની હતી. તેના જન્મ પછી થોડા જ દિવસોમાં તેના મોટા ભાઈનો ભયાનક કાર અકસ્માત થયો. ઘણા વર્ષો સુધી કોમામાં રહ્યા બાદ તેનું મૃત્યુ થયું.ગિલેનનો ઉછેર ઑક્સફોર્ડના હેડિંગટન હિલ હોલ જેવા ભવ્ય મહેલમાં થયો. અહીં યોજાતી પાર્ટીઓમાં મોટા રાજકારણીઓ, સેલિબ્રિટી અને મીડિયા જગતના શક્તિશાળી લોકો આવતાં. બાળપણમાં ગિલેનને યોગ્ય ઇમોશનલ સપોર્ટ મળ્યો નહોતો. તેની માતાએ બાદમાં એક ઇન્ટરવ્યુમાં આ વાત સ્વીકારી હતી. જેમ જેમ ગિલેન મોટી થતી ગઈ તેમ તેના પિતાનો પ્રેમ તેને મળવા લાગ્યો.
તે પિતાની સૌથી લાડલી સંતાન બની ગઈ. પિતાએ પોતાની પ્રાઇવેટ યોટનું નામ પણ લેડી ગિલેન રાખ્યું હતું.ગિલેન ભણવામાં પણ હોશિયાર હતી. તેણે માલબરો કોલેજ અને ત્યારબાદ ઑક્સફોર્ડ યુનિવર્સિટીમાં અભ્યાસ કર્યો. પરંતુ એ સમયગાળામાં તે ભટકવા લાગી. તેના સ્કૂલના મિત્રો મુજબ ગિલેનને માત્ર શક્તિશાળી, અમીર અને હાઇ સ્ટેટસ ધરાવતા લોકો પ્રત્યે જ આકર્ષણ હતું. કોઈપણ મહેફિલમાં સૌથી મહત્વપૂર્ણ અને શક્તિશાળી વ્યક્તિને ઓળખી તેની નજીક પહોંચવાનો તેને જુનૂન હતો.1991માં તેની જિંદગીમાં મોટો વળાંક આવ્યો. 5 નવેમ્બર 1991ના રોજ સ્પેનના કેનેરી આઇલેન્ડમાં તેના પિતા રોબર્ટ મેક્સવેલ યોટ પરથી પાણીમાં પડી ગયા અને ડૂબી જવાથી તેમનું મૃત્યુ થયું. આ ઘટનાના પછી ગિલેન પોતાનું ઘર છોડીને ન્યૂયોર્ક આવી અને ત્યાં જેફરી એપસ્ટીન સાથે તેની મુલાકાત થઈ.અમેરિકામાં વસ્યા બાદ ગિલેન અને એપસ્ટીને ફ્લોરિડાના પામ બીચ જેવા અત્યંત મોંઘા વિસ્તારમાં બંગલો લીધો. આ જ વિસ્તાર છે જ્યાં ડોનાલ્ડ ટ્રમ્પનું પણ ભવ્ય ઘર આવેલું છે. અહીંથી ગિલેન અને એપસ્ટીને મળીને એવો નેટવર્ક ઊભું કર્યું કે જેમાં દુનિયાના સૌથી શક્તિશાળી લોકો ફસાઈ ગયા.
ટ્રમ્પ, બિલ ક્લિન્ટન, બિલ ગેટ્સ, સ્ટીફન હોકિંગ, બ્રિટનના પ્રિન્સ એન્ડ્ર્યુ, નોઆમ ચોમ્સ્કી, એલોન મસ્ક, રિચર્ડ બ્રાન્સન જેવા અનેક મોટા નામો સાથે જોડાયા.ગિલેનનું મુખ્ય કામ એપસ્ટીન માટે છોકરીઓ લાવવાનું હતું. 1994થી 2004 દરમિયાન નાબાલિક છોકરીઓને ફસાવવી, તેમને ગ્રૂમ કરવી અને તેમના યૌન શોષણમાં તેણે એપસ્ટીનને મદદ કરી. આરોપ છે કે ગિલેન ખાસ કરીને આર્થિક રીતે નબળા પરિવારોની છોકરીઓને નિશાન બનાવતી. તે તેમને મોંઘા ગિફ્ટ આપતી અને સેક્સ વિષયક વાતો કરીને તેમને આ બાબતમાં સહજ બનાવતી.જ્યારે છોકરીઓ પહેલીવાર એપસ્ટીનને મળતી ત્યારે ગિલેન વિશ્વાસપાત્ર વ્યક્તિ તરીકે ત્યાં હાજર રહેતી. પીડિતાઓમાં વર્જિનિયા ગિફ્રે પણ સામેલ હતી. તેના જણાવ્યા મુજબ ગિલેનએ તેને ત્યારે ફસાવી હતી જ્યારે તે ટ્રમ્પના માર-અ-લાગોમાં કામ કરતી હતી. વર્જિનિયાએ ગિલેન અને પ્રિન્સ એન્ડ્ર્યુ બંને સામે કેસ દાખલ કર્યા હતા. તેણે આરોપ લગાવ્યો હતો કે એપસ્ટીને તેને પ્રિન્સ એન્ડ્ર્યુને ખુશ કરવા મજબૂર કરી હતી.પ્રિન્સ એન્ડ્ર્યુએ આ આરોપો નકાર્યા, પરંતુ એક તસવીર સામે આવી જેમાં વર્જિનિયા, પ્રિન્સ એન્ડ્ર્યુ અને ગિલેન મેક્સવેલ સ્પષ્ટ રીતે જોવા મળતા હતા. બાદમાં આ કેસ આપસી સમજૂતીથી બંધ થયો.સમાચારોથી સ્પષ્ટ થાય છે કે ગિલેન છોકરીઓના શોષણને સામાન્ય બાબત તરીકે રજૂ કરતી હતી.
ક્યારેક તે પોતે પણ શોષણમાં સામેલ થતી હતી. શોષણ બાદ છોકરીઓને રોકડ ચુકવણી કરવામાં આવતી અને કેટલીક છોકરીઓને બીજી છોકરીઓ શોધવાનું પણ કહેવામાં આવતું.આ આખું નેટવર્ક 14 માર્ચ 2005ના રોજ બહાર આવ્યું જ્યારે પામ બીચ પોલીસને એક ફોન આવ્યો. ફોન કરનાર મહિલાએ કહ્યું કે તેની 14 વર્ષની દીકરીનું એક બંગલામાં યૌન શોષણ થયું છે. તપાસ આગળ વધતા 30થી વધુ નાબાલિક છોકરીઓ સામે આવી અને એક સ્પષ્ટ પેટર્ન બહાર આવ્યો.2008માં એપસ્ટીન સામે 36 છોકરીઓના નિવેદનો હોવા છતાં કેસ નરમાઈથી નિકળી ગયો. તેને માત્ર 18 મહિના જેવી સજા મળી જેમાં દિવસ દરમિયાન બહાર જવાની છૂટ હતી. છૂટ્યા બાદ તે ફરી પોતાના ધંધામાં લાગી ગયો.2019માં એપસ્ટીન ફરીથી ધરપકડ થયો. તેના ન્યૂયોર્કના ઘરમાંથી કેમેરા, બાળ અશ્લીલ સામગ્રી અને નકલી પાસપોર્ટ મળ્યા.
જુલાઈ 2019માં જેલમાં તેની શંકાસ્પદ રીતે મોત થયું.જુલાઈ 2020માં ગિલેન મેક્સવેલની ધરપકડ કરવામાં આવી. 2021માં એક મહિના લાંબા ટ્રાયલ બાદ તેને નાબાલિકોની સેક્સ ટ્રાફિકિંગ સહિત અનેક ગુનાઓમાં દોષી ઠેરવવામાં આવી. 2022માં તેને 20 વર્ષની સજા ફટકારવામાં આવી અને હાલ તે જેલમાં સજા ભોગવી રહી છે.પછી સામે આવ્યા એપસ્ટીન ફાઇલ્સ. તેમાં ફ્લાઇટ લોગ્સ, બ્લેક બુક, ઇમેઇલ્સ, કેલેન્ડર, નાણાકીય હિસાબ અને શક્તિશાળી લોકો સાથેની તસવીરો સામેલ છે. આ ફાઇલ્સમાં ઘણા મોટા નામોનો ઉલ્લેખ છે.ગિલેન મેક્સવેલ કોઈ લાચાર કે નિર્દોષ મહિલા નહોતી. તેણે પોતાની શક્તિ અને સંપર્કોનો ઉપયોગ બુરાઈ સામે લડવા માટે નહીં પરંતુ તેને સંચાલિત કરવા માટે કર્યો. તેણે માત્ર ગુનાઓ થતા જોયા નહીં પરંતુ આખું કાળું સામ્રાજ્ય ચલાવવામાં મુખ્ય ભૂમિકા ભજવી.આજ પણ લોકો જાણવા માંગે છે કે ગિલેન મેક્સવેલ શું બધું જાણે છે અને તે હજુ કેટલા રહસ્યો સાથે ચૂપ છે.
