… મુશ્કેલ સમયમાં સ્મૃતિને સહારો બની હરમનપ્રીત. મુસ્કાન પાછળ છુપાયેલો દર્દ. મિત્ર સાથે દિલની લાગણી વહેંચી. હરમનપ્રીતે સ્મૃતિને ગળે લગાવીને ઢાડસ આપ્યું.
લગ્ન તૂટ્યા પછી પહેલી વાર જાહેરમાં દેખાઈ સ્મૃતિ મંધાના.ભારતની મહિલા ક્રિકેટ ટીમની વાઇસ કેપ્ટન અને સ્ટાર ખેલાડી સ્મૃતિ મંધાના હાલમાં એક મુશ્કેલ જીવનપ્રસંગમાંથી પસાર થઈ રહી છે. તેના જીવનમાં આવેલો આ મોટો ઝટકો તેને આજીવન દુઃખ અને ટ્રોમા આપીને ગયો છે. જેમ દિવસે તે દુલ્હન બનવાની હતી, એ જ દિવસે તેના પ્રેમ અને લગ્ન પરનો વિશ્વાસ તૂટી પડ્યો.છેલ્લાં ઘણા દિવસોથી સ્મૃતિ મનમાં પહાડ જેવી પીડા સાથે લડી રહી છે.
દરેક આંસુ અને દરેક દર્દને મૌન રહીને સહન કરી રહી છે. તેમ છતાં તેની પર્સનલ લાઇફમાં કેટલુંય તોફાન હોય—સ્મૃતિએ પોતાના કરિયર અને પ્રથમ પ્રેમ, ક્રિકેટને ક્યારેય અવગણ્યું નથી.પલાશ મુચ્છલ સાથે લગ્ન તૂટ્યા પછી પહેલી વાર સ્મૃતિ જાહેરમાં દેખાઈ અને તેનો વીડિયો સોશિયલ મીડિયામાં વાયરલ થયો છે. વીડિયોમાં જોવા મળે છે
કે કારમાંથી ઉતરતી વખતે તેના ચહેરા પર ઊંડું મૌન અને ગુંગળામણ હતી. આ દરમિયાન કેપ્ટન હરમનપ્રીત અને તેમની મેનેજરે તરત જ સ્મૃતિને ગળે લગાવી અને દિલાસો આપ્યો—માણે કહેતું હોય કે “જે થયું તેને ભૂલી, હવે આગળ વધ.”તાજેતરમાં દિલ્હીમાં એક ઇવેન્ટ દરમ્યાન સ્મૃતીએ પોતાના દિલનો દરેક દુઃખ વ્યક્ત કર્યો.
તેણે કહ્યું:“હું 12 વર્ષથી વધારે સમયથી ક્રિકેટ રમું છું. ક્રિકેટ જ મારો પહેલો પ્રેમ છે. મને નથી લાગતું કે ક્રિકેટ સિવાય બીજી કોઈ વસ્તુને હું એટલો પ્રેમ કરી શકું. જ્યારે તમે બેટિંગ કરવા જાઓ અથવા દેશનું પ્રતિનિધિત્વ કરો ત્યારે મનમાં બીજું કશું આવતું નથી. ઈન્ડિયન જર્સી પહેરો ત્યારે દેશ માટે જીતવાની જ ઈચ્છા રહે છે.”તેણે આગળ કહ્યું:“હું હંમેશાં ખૂબ સીધી સાદી રહી છું. ફાલતુ વિચારો વડે જીવન મુશ્કેલ બનાવતી નથી.”
સ્મૃતિની આ વાતોથી સ્પષ્ટ બને છે કે તે હવે પોતાની લાઇફમાં આગળ વધવાનો અને પૂરેપૂરો ધ્યાન પોતાના ક્રિકેટ કરિયર પર રાખવાનો નિર્ણય લઈ ચૂકી છે.23 નવેમ્બરે લગ્ન ટળ્યા બાદ સોશિયલ મીડિયા પર ચેટ્સ અને સમાચાર વાયરલ થયા હતા, જેમાં દાવો થયો હતો કે પલાશે સ્મૃતિને ધોકો આપ્યો. સત્તાવાર પુષ્ટિ છતાં થઈ નથી. પરંતુ 7 ડિસેમ્બરે સ્મૃતિએ પોતાની પોસ્ટ દ્વારા સ્પષ્ટ કરી દીધું કે લગ્ન હવે સંપૂર્ણપણે રદ થઈ ગયા છે.
