બોલિવૂડના દબંગ સુપરસ્ટાર સલમાન ખાન સાથે ફિલ્મના સેટ પર થયેલા એક મોટા અકસ્માતના સમાચાર હાલમાં ઇન્ટરનેટ અને સોશિયલ મીડિયા પર ખૂબ જ ઝડપથી વાયરલ થઈ રહ્યા છે. આ અકસ્માતની ખબરોએ સલમાન ખાનના કરોડો ચાહકોની ચિંતામાં મોટો વધારો કરી દીધો છે અને ચારેય તરફ ભારે હોબાળો મચી ગયો છે. વાયરલ થઈ રહેલા અહેવાલોમાં તો એવા દાવા પણ કરવામાં આવી રહ્યા છે કે સેટ પર થયેલી એક નાની ભૂલના કારણે ભાઈજાન મરણના મુખમાંથી પાછા ફર્યા છે,
જેને પગલે સોશિયલ મીડિયા પર ફેન્સ સતત તેમના વિશે પૂછપરછ કરી રહ્યા છે.જોકે, ચાહકોને વધારે ચિંતા ન આપતા જણાવી દઈએ કે સલમાન ખાન સાથે થયેલી આ ભયાનક દુર્ઘટના અત્યારની નથી પરંતુ વર્ષો જૂની છે, જેનો ખુલાસો ખુદ અભિનેતાએ તાજેતરમાં જ એક ઇન્ટરવ્યૂમાં કર્યો છે. સલમાન ખાને પોતાની જૂની ફિલ્મ ‘જાગૃતિ’ના શૂટિંગના એ જાનલેવા મંઝરને યાદ કર્યો હતો.
તેમણે જણાવ્યું કે કર્ણાટકના ઉડુપીમાં એક 80 ફૂટ ઊંચા પહાડ પર તેમને એક ખતરનાક સ્ટન્ટ સીન શૂટ કરવાનો હતો અને આ જ દ્રશ્ય દરમિયાન તેઓ એક મોટી દુર્ઘટનાનો ભોગ બનતા બનતા રહી ગયા હતા.અભિનેતાના જણાવ્યા અનુસાર, એ પહાડનો વચ્ચેનો ભાગ થોડો બહાર નીકળેલો હતો અને ત્યાંથી નીચે સુરક્ષા માટે રાખેલા બોક્સ અને ગાદલા પર છલાંગ લગાવવાની હતી.
સલમાન ખાન પહેલા તો આ જોખમી સ્ટન્ટ કરવા નહોતા માંગતા અને ત્યાંથી પાછળ હટવાનો વિચાર કરી રહ્યા હતા, પરંતુ શૂટિંગ જોવા માટે ત્યાં આસપાસ લોકોની ભારે ભીડ એકઠી થઈ ગઈ હતી. આ ભીડને જોઈને સલમાન ખાનના અહમ એટલે કે ‘ઈગો’એ જોર કર્યું અને તેમણે હિંમત બતાવીને પહાડ પરથી કૂદકો મારવાનો અંતિમ નિર્ણય લીધો હતો.પરંતુ, જેવા તેઓ છલાંગ લગાવવા માટે દોડ્યા કે તરત જ ત્યાં પડેલી કાંકરીઓ પર તેમનો પગ લપસી ગયો અને તેમણે પોતાનું શારીરિક સંતુલન ગુમાવી દીધું હતું.
આ લપસવાના કારણે તેઓ સીધા પહાડની નીચે પડવા લાગ્યા અને સેટ પર હાજર તમામ ક્રૂ મેમ્બર્સના શ્વાસ અધ્ધર થઈ ગયા તથા ચારેય તરફ સન્નાટો છવાઈ ગયો હતો. સદનસીબે પડતી વખતે પહાડના બહાર નીકળેલા પથ્થરના હિસ્સા સાથે તેમનું માથું સહેજ જ ટકરાયું અને મોટો અકસ્માત થતાં થતાં રહી ગયો, જેના કારણે તેમનો જીવ બચી ગયો હતો.
ભાઈજાનના આ ચોંકાવનારા ખુલાસા બાદ સોશિયલ મીડિયા પર ફેન્સ હવે ફિલ્મના સેટ પર કલાકારો અને ક્રૂની સુરક્ષાને લઈને ગંભીર સવાલો ઉઠાવી રહ્યા છે. આ સાથે જ સલમાન ખાનના આગામી પ્રોજેક્ટની વાત કરીએ તો, તેઓ વર્ષ 2027માં ઈદના ખાસ અવસરે એક શાનદાર એક્શન થ્રિલર ફિલ્મ સાથે મોટા પડદા પર ધમાકેદાર વાપસી કરવા જઈ રહ્યા છે. આ નવી ફિલ્મનું કામચલાઉ નામ ‘SVC 63’ રાખવામાં આવ્યું છે, જેમાં સલમાન ખાનની સાથે સાઉથની લેડી સુપરસ્ટાર નયનતારા મુખ્ય ભૂમિકામાં જોવા મળશે.
