મુંબઈમાં બોલિવૂડમાં મને આટલા વર્ષો થઈ જશે, આખા દેશ અને દુનિયાનું બાળક-બાળક મારી સાથે રહ્યું છે ત્યારે જ તો હું ૨૦૦-૨૫૦ ફિલ્મો કરી શક્યો છું. આખું બોલિવૂડ… આ કિસ્સો ૨૦૧૨-૧૩માં શરૂ થયો હતો. ૨૦૨૬માં હું બે ફિલ્મો કરી રહ્યો છું.તિહાર જેલમાં ૧૨ દિવસ વિતાવ્યા બાદ રાજપાલ યાદવ જ્યારે બહાર આવ્યા ત્યારે તેમના ચહેરા પર એક અજીબ સ્મિત હતું.
વચગાળાના જામીનને કારણે તેમને હવે રાહત મળી છે અને અભિનેતાએ ન્યાયાલય તેમજ પોતાના ફેન્સનો આભાર માન્યો હતો. આ જામીન દિલ્હી હાઈકોર્ટમાંથી મળ્યા છે અને તેઓ હવે ૧૮ માર્ચ ૨૦૨૬ સુધી જેલની બહાર રહેશે.રાજપાલ યાદવની વાત કરીએ તો તેમના પર ચેક બાઉન્સનો આરોપ છે. બેલ પર બહાર આવ્યા બાદ તેમણે મીડિયા સાથે વાતચીત કરી
અને કહ્યું કે તેઓ હંમેશા ન્યાયાલય સમક્ષ પોતાના તમામ આરોપોનો સામનો કરવા માટે બિલકુલ તૈયાર છે. રાજપાલ યાદવ અહીં કહે છે કે હું ૨૦૨૭માં બોલિવૂડમાં ૩૦ વર્ષ પૂરા કરીશ. દેશના દરેક ખૂણેથી લોકો, બાળકો અને વૃદ્ધો બધા મારી સાથે છે. જે રીતે આખા દેશે અને મારા બોલિવૂડ પરિવારે મને પ્રેમ આપ્યો છે, હું હંમેશા જવાબ આપવા માટે તૈયાર છું.
હાઈકોર્ટનો આભાર.જોકે રાજપાલ યાદવના ભાઈ ચંદ્રપાલ યાદવે પણ મીડિયા સાથે વાતચીત કરી હતી. તેમણે કહ્યું કે પરિવાર હવે સારા દિવસો જોવાની આશા રાખી રહ્યો છે અને રાજપાલે થોડા સમય પહેલા અધિકારીઓ સમક્ષ આત્મસમર્પણ કર્યું હતું.વધુમાં જો આખા વિવાદની વાત કરીએ તો, આ વિવાદની શરૂઆત ૨૦૧૦માં થઈ હતી જ્યારે રાજપાલ યાદવે ફિલ્મ ‘અતા પતા લાપતા’ બનાવવા માટે દિલ્હીની કંપની મુરલી પ્રોજેક્ટ પ્રાઈવેટ લિમિટેડ પાસેથી ₹૫ કરોડની લોન લીધી હતી. ફિલ્મ ૨૦૧૨માં રિલીઝ થઈ હતી પરંતુ બોક્સ ઓફિસ પર તે ખરાબ રીતે ફ્લોપ સાબિત થઈ,
જેના કારણે તેમને મોટો ફટકો પડ્યો હતો. ત્યારબાદ રાજપાલ યાદવ લોનની રકમ ચૂકવી શક્યા નહીં અને ધીરે ધીરે આ વિવાદ વધતો ગયો.ત્યારબાદ ૨૦૧૮નો સમય આવ્યો જ્યારે સાત ચેક બાઉન્સ થવાને કારણે એક મેજિસ્ટ્રેટ કોર્ટે રાજપાલ યાદવ અને તેમની પત્નીને કલમ ૧૩૮ નેગોશિયેબલ ઇન્સ્ટ્રુમેન્ટ્સ એક્ટ હેઠળ દોષિત ઠેરવ્યા અને ૬ મહિનાની સાદી જેલની સજા ફટકારી હતી. આ પછી સેશન્સ કોર્ટે આ નિર્ણયને યથાવત રાખ્યો અને રાજપાલ યાદવે દિલ્હી હાઈકોર્ટમાં અપીલ દાખલ કરી હતી. ૨૦૨૪ સુધીમાં બાકી રકમ વધીને ₹૯ કરોડ થઈ ગઈ હતી. આ જામીનથી રાજપાલ યાદવને હાલ પૂરતી રાહત મળી છે અને તેઓ પોતાના ન્યાયિક મામલાઓનો સામનો કરવાની સાથે બહાર રહી શકશે.
