[સંગીત] ઓબામાએ કેમ કહ્યું કે એલિયન ખરેખર હોય છે? શું એરિયા 51માં UFO અને એલિયન છે? અમેરિકાએ એલિયન્સને ક્યાં છુપાવી રાખ્યા છે? નમસ્કાર, ઝી મીડિયાના ડિજિટલ પ્લેટફોર્મ પર તમારી સાથે હું છું આયુષ સૂર્યવંશી. અમેરિકાના પૂર્વ રાષ્ટ્રપતિ બરાક ઓબામાએ ફરી એકવાર એલિયન્સ અંગે પોતાનો અભિપ્રાય વ્યક્ત કરતા કહ્યું કે બ્રહ્માંડમાં પૃથ્વીની બહાર જીવનની શક્યતા નકારી શકાય નહીં. પરંતુ તેમણે બરાબર શું કહ્યું છે તે સમજો. હકીકતમાં ઓબામાએ એક પોડકાસ્ટમાં અનેક મુદ્દાઓ પર ખુલીને વાત કરી હતી. જ્યારે તેમને એલિયન્સ વિશે સવાલ પૂછવામાં આવ્યો ત્યારે બરાક ઓબામાએ કહ્યું કે તેઓ અસલી છે પરંતુ મેં તેમને જોયા નથી અને તેમને એરિયા 51માં પણ રાખવામાં આવ્યા નથી.
બરાક ઓબામા આગળ કહે છે કે કોઈ અન્ડરગ્રાઉન્ડ જગ્યા નથી. તેમણે એ વાત પણ નકારી કાઢી કે એરિયા 51માં એલિયન ટેકનોલોજી કે લાશો છુપાયેલી છે. એરિયા 51ને અવારનવાર UFO કોન્સ્પિરેસી થિયરી સાથે જોડવામાં આવે છે. બરાક ઓબામાનું કહેવું હતું કે બ્રહ્માંડ એટલું વિશાળ છે કે એવું માનવું તર્કસંગત છે કે ક્યાંક ને ક્યાંક જીવન અસ્તિત્વમાં હોઈ શકે છે, ભલે અત્યાર સુધી આપણી પાસે તેનો કોઈ નક્કર પુરાવો ન હોય. જોકે, ઓબામાએ સ્પષ્ટ કર્યું કે તેમના રાષ્ટ્રપતિ કાર્યકાળ દરમિયાન તેમને એવો કોઈ પુરાવો મળ્યો નથી જે સાબિત કરે કે અમેરિકન સરકારે એલિયન્સને પકડી લીધા છે કે કોઈ ગુપ્ત જગ્યાએ રાખ્યા હોય. તેમણે એ કોન્સ્પિરેસી થિયરીઓને પણ સંપૂર્ણપણે નકારી કાઢી જેમાં દાવો કરવામાં આવે છે
કે અમેરિકા સરકાર એલિયન્સ [સંગીત] ને ગુપ્ત રીતે છુપાવીને રાખે છે, ખાસ કરીને નેવાડામાં જે પ્રખ્યાત સૈન્ય મથક એરિયા 51 છે. તેમણે રમુજી અંદાજમાં કહ્યું કે જો આવો કોઈ મોટો રહસ્ય હોત તો તેને રાષ્ટ્રપતિથી છુપાવવો લગભગ અશક્ય હોત. તેમણે કહ્યું કે તેમને એરિયા 51માં રાખવામાં આવ્યા નથી, ત્યાં કોઈ અન્ડરગ્રાઉન્ડ આવી સુવિધા નથી, જ્યાં સુધી કે કોઈ બહુ મોટું ષડયંત્ર ન હોય અને તેને રાષ્ટ્રપતિથી પણ છુપાવી લેવામાં આવ્યું હોય. તેમણે એ વાતનો ઉલ્લેખ કર્યો કે જો રાષ્ટ્રપતિથી જ આ વાત છુપાવવામાં આવે તો બની શકે કે ત્યાં એવું કંઈક હોય, પણ તેમના જ્ઞાનમાં ક્યારેય આવું આવ્યું નથી. હકીકતમાં એરિયા 51 લાંબા સમયથી એલિયન્સ અને વેરિફાઈ ન થયેલા [સંગીત] UFO જોવા મળવા સાથે જોડાયેલું રહ્યું છે. જોકે, અમેરિકન સરકારે 2013 સુધી સત્તાવાર રીતે આ બેઝ હોવાનો સ્વીકાર પણ કર્યો નહોતો. કહેવાય છે કે તે એડવાન્સ મિલિટ્રી એરક્રાફ્ટ માટેનું ટેસ્ટિંગ ગ્રાઉન્ડ છે અને છેલ્લા કેટલાક વર્ષોમાં અમેરિકામાં અજ્ઞાત ઉડતી વસ્તુઓ એટલે કે UFO ને લઈને લોકોની રુચિ પણ ઘણી વધી છે. અમેરિકન સરકાર હવે તેમને અનઆઈડેન્ટિફાઈડ એનેમોલસ ફિનોમિના કહે છે. સરકાર તરફથી કેટલાક સત્તાવાર દસ્તાવેજો અને વીડિયો પણ જાહેર કરવામાં આવ્યા,
ત્યારબાદ ચર્ચા વધુ તેજ થઈ. આ વીડિયોમાં આકાશમાં ઉડતી કેટલીક એવી વસ્તુઓ જોવામાં આવી જેની ઓળખ સ્પષ્ટપણે સામે આવી શકી નથી. તો બીજી તરફ ઓબામાની ટિપ્પણી અનઆઈડેન્ટિફાઈડ એનેમોલસ ફિનોમિના એટલે કે UAPsમાં વધતી રુચિ વચ્ચે આવી છે, જે સરકાર દ્વારા UFOs માટે વપરાતો નવો શબ્દ છે. પેન્ટાગોને UAP જોવા મળવાની તપાસ માટે ઓલ ડોમેન એનેમલી રિઝોલ્યુશન ઓફિસ બનાવી છે. સાથે જ એવા કાયદા પસાર કર્યા જે હેઠળ સરકારે આ ઘટનાઓ વિશે વધુ માહિતી આપવી પડશે. પૃથ્વીની બહાર જીવન હોવાની પુષ્ટિ કરતો કોઈ પાકો પુરોવો મળ્યો નથી પરંતુ તેમ છતાં વૈજ્ઞાનિકો કોઈ સંકેત શોધવાની આશામાં બાહ્ય અંતરિક્ષના મોટા ભાગોને સતત સ્કેન કરી રહ્યા છે. જોકે વૈજ્ઞાનિકોને તાજેતરમાં એક ક્રાઉડ સોર્સ્ડ પ્રોજેક્ટને કારણે સફળતા પણ મળી જેનો ઉદ્દેશ્ય એલિયન ઇન્ટેલિજન્સની શોધ કરવાનો હતો. ‘સેટી એટ હોમ’ નામનો આ પ્રોજેક્ટ 1999માં લોન્ચ કરવામાં આવ્યો હતો
અને વિશ્વભરના લાખો સ્વયંસેવકોએ તેમાં ભાગ લીધો હતો. આ પ્રોજેક્ટનો હેતુ પ્યુર્ટો રિકોમાં અરેસીબો ઓબ્ઝર્વેટરીના ડેટામાં અજીબ રેડિયો સિગ્નલોની ઓળખ કરવાનો હતો. મીડિયા રિપોર્ટ્સ મુજબ અમેરિકન વાયુસેનાના રીપર ડ્રોન દ્વારા એક દાયકા પહેલા રેકોર્ડ કરવામાં આવેલા રડાર ફૂટેજમાં મધ્ય પૂર્વની ઉપર કેટલીક અસામાન્ય વસ્તુઓ જોવામાં આવી હતી. આ વસ્તુઓની ઉડવાની રીત સામાન્ય વિમાન કે જાણીતી ટેકનોલોજીથી અલગ હોવાનું જણાવવામાં આવ્યું હતું. આ પ્રકારની બાબતોને લઈને અનેક અટકળો અને કોન્સ્પિરેસી થિયરીઓ પણ ચાલતી રહે છે. પરંતુ હાલમાં ઓબામાનું આ નિવેદન સતત ચર્ચામાં રહ્યું છે. હાલ આ વીડિયોમાં આટલું જ, બાકીના તમામ સમાચાર માટે જોડાયેલા રહો ઝી ન્યૂઝ સાથે.
