રાજકુમાર તેમની શાનદાર એક્ટિંગ, દમદાર અવાજ અને બેબાક અંદાજ માટે જાણીતા હતા. બોલિવૂડના તેઓ એક એવા સ્ટાર હતા જેના માટે કહેવાતું કે તેમના જૂતા પણ જબરદસ્ત એક્ટિંગ કરે છે. “ના તલવાર કી ધાર સે, ના ગોલિયોં કી બૌછાર સે, બંદા ડરતા હૈ તો સિર્ફ પરવરદિગાર સે.” રાજકુમારની ડાયલોગ ડિલિવરી એવી હતી કે દર્શકો થિયેટરમાં ખૂબ તાળીઓ પાડતા. રાજકુમાર ભલે ઉત્તમ અભિનેતા હતા પણ તેમને પોતાના કો-સ્ટાર્સની મજાક ઉડાવવાની અને તેમને નીચા દેખાડવાની ખરાબ આદત હતી.
રાજ સાહેબ પડદા પર જેટલા બેબાક હતા તેટલા જ અસલ જિંદગીમાં પણ મોઢાફાટ હતા. આ જ કારણે ઇન્ડસ્ટ્રીમાં લોકો તેમને ખાસ પસંદ કરતા નહોતા.પરંતુ શું તમે જાણો છો કે બોલિવૂડના એક અભિનેતાએ તેમની હેકડી માત્ર 2 સેકન્ડમાં ઉતારી દીધી હતી? હું છું અવિનાશ અને આ કિસ્સો પૂરો જાણવા માટે આ વિડિયો અંત સુધી જુઓ. રાજકુમારની વાત કરવાની શૈલી પોલીસ જેવી જ હતી. તેઓ બીજા કલાકારોનું અપમાન કરવામાં વાર નહોતા લગાડતા. બોલિવૂડ ઇન્ડસ્ટ્રીનો એકમાત્ર એવો એક્ટર જેણે માત્ર રાજકુમારના એટીટ્યુડનો જવાબ જ ના આપ્યો પણ તેમને પોતાની સામે ઘૂંટણિયે પડવા મજબૂર કરી દીધા અને તેમની હેકડી કાઢી નાખી
. તો આજે વાત કરીશું એ સમયની જ્યારે રાજકુમારે પોતાનો એટીટ્યુડ એક એવા જિદ્દી એક્ટરને બતાવ્યો જેણે વળતો જવાબ આપીને 2 મિનિટમાં જ રાજકુમારની બોલતી બંધ કરી દીધી હતી. રાજકુમાર પોતાની આદતથી મજબૂર હતા અને આ વાત ઇન્ડસ્ટ્રીમાં બધા જાણતા હતા. તેથી કેટલાક લોકો તેમનાથી અંતર રાખતા અને કેટલાક દૂરથી જ ‘રામ-રામ’ કરવાનું પસંદ કરતા. ખબર નહીં આ એક્ટર ક્યારે કોને શું કહી દે અને કોની ક્યાં બેઈજ્જતી કરી દે એ કોઈ જાણતું નહોતું. પરંતુ ઇન્ડસ્ટ્રીમાં એકમાત્ર એવો એક્ટર જે રાજકુમાર જેવા જ સ્વભાવ માટે જાણીતો હતો, તેણે ‘જાની’ રાજકુમારને પાણી પીવડાવી દીધું હતું.વાત 30-35 વર્ષ જૂની છે. રાજકુમારને પાઠ ભણાવનાર એ સ્ટાર બીજું કોઈ નહીં પણ નાના પાટેકર હતા. પ્રોડ્યુસર-ડાયરેક્ટર મેહુલ કુમાર 1992માં તેમના ફેવરિટ સ્ટાર રાજકુમારને લઈને ‘તિરંગા’ ફિલ્મ બનાવવાની તૈયારી કરી રહ્યા હતા. આ ફિલ્મમાં મેહુલ કુમાર રાજકુમારની સાથે અમિતાભ બચ્ચનને કાસ્ટ કરવા માંગતા હતા, પણ વાત જામી નહીં
અને મેહુલ કુમારે નાના પાટેકરને સાઈન કરી લીધા. મુંબઈની ફિલ્મ સિટી સ્ટુડિયોમાં શૂટિંગનો પહેલો દિવસ હતો. રાજકુમાર અને નાના પાટેકર પર એક સીન ફિલ્માવવાનો હતો. મેહુલ કુમારે સીન સમજાવ્યો – રાજકુમાર બિલિયર્ડ ટેબલ પર સ્ટિકથી બોલ મારે છે અને નાના પાટેકરની એન્ટ્રી થાય છે. બંને વચ્ચે થોડા ડાયલોગ્સ થાય છે અને છેલ્લે નાના પાટેકર કહે છે કે “તમારો અને મારો કામ કરવાનો તરીકો અલગ છે, હું તમારી સાથે કામ નથી કરી શકતો.” મેહુલ કુમારે કટ કહ્યું અને શોર્ટ પૂરો થયો, પણ અસલી કિસ્સો તો હવે શરૂ થયો.રાજકુમારે પોતાની આદત મુજબ નાના પાટેકરને પાસે બોલાવીને કહ્યું કે “તમને બરાબર હિન્દી બોલતા નથી આવડતું. જો તમે આવા ડાયલોગ બોલશો તો મેહુલ કુમારની નૈયા ડૂબાડી દેશો. પહેલા બરાબર હિન્દી બોલતા શીખો પછી આપણે શૂટિંગ કરીશું. હું એવા કોઈ એક્ટર સાથે સ્ક્રીન શેર કરવા નથી માંગતો જેને બરાબર હિન્દી નથી આવડતું.” રાજકુમારે મેહુલ કુમારને બોલાવીને નાના પાટેકરની બોલવાની રીત પર વાંધો ઉઠાવ્યો. બીજાનું અપમાન કરવાની તેમની જૂની આદત હતી એટલે મજાકમાં તેઓ આ બધું બોલી ગયા. પણ સામે હવે કોઈ સામાન્ય માણસ નહીં પણ નાના પાટેકર ઉભા હતા.
નાનાએ તરત જવાબ આપ્યો કે “મેહુલ કુમારે મને સ્ક્રિપ્ટ સંભળાવી ત્યારે સમજાવ્યું હતું કે તિરંગામાં મારો રોલ ઇન્સ્પેક્ટર શિવાજીરાવ વાગલેનો છે જે મરાઠી પાત્ર છે, એટલે સંવાદોમાં મરાઠી લહેકો કે શબ્દો આવે તો પાત્ર કુદરતી લાગશે. એટલે હું તો આવી જ રીતે બોલીશ અને આ જ મારી યુએસપી છે.” નાના પાટેકરે આગળ કહ્યું કે જ્યારે ભ્રષ્ટ અધિકારીઓ અને ગદ્દારો જીવતા રહેશે ત્યાં સુધી આ ચિતાઓ આવી જ રીતે સળગતી રહેશે.નાના પાટેકરે મેહુલ કુમારને બોલાવીને રાજકુમાર સામે જ કહ્યું કે જ્યારે મેહુલ સર બોલે છે ત્યારે લાગે છે કે કોઈ ગુજરાતી બોલી રહ્યું છે, કારણ કે તેઓ ગુજરાતના છે તો હિન્દીમાં ગુજરાતી લહેકો આવવો સ્વાભાવિક છે. ઉત્તર પ્રદેશ કે બિહારના લોકો હિન્દી સહજ રીતે બોલે છે, બાકીના પ્રદેશના લોકોને થોડી સમસ્યા થાય જ છે
. નાના પાટેકર આટલેથી ના અટક્યા, તેમણે રાજકુમારને મોઢામોઢ કહી દીધું કે “આખી પિક્ચરમાં સામે પત્ની હોય, વિલન હોય કે દીકરો, તમે તો તમારા બધા ડાયલોગ ‘જાની’ કહીને એક જ અંદાજમાં બોલો છો, શું એ અજીબ નથી લાગતું?” નાના પાટેકરનો આવો બેબાક અંદાજ જોઈને રાજકુમાર ચૂપ થઈ ગયા. ત્યારબાદ તિરંગાનું શૂટિંગ પૂરું થયું ત્યાં સુધી તેમણે નાના પાટેકરને ક્યારેય ટોક્યા નહીં. બોલિવૂડના દિગ્ગજોની જે ફજેતી કરતા હતા તે રાજકુમારની હેકડી નાના પાટેકરે એક ઝટકે ઉતારી દીધી હતી. આ કિસ્સા પર તમારો શું અભિપ્રાય છે તે કોમેન્ટમાં જણાવો અને આવા વધુ કિસ્સાઓ માટે ચેનલ અવિનાશ ઓફિશિયલને સબ્સ્ક્રાઇબ કરો.
