બોલિવૂડ એક્ટર ગોવિંદાની જિંદગીમાં ભૂકંપ આવ્યો છે. પહેલીવાર ગોવિંદાની દીકરી ટીના આહુજાએ પિતા ગોવિંદા અને માતા સુનીતાના છૂટાછેડા પર મૌન તોડ્યું છે. સુનીતા આહુજા પછી હવે ગોવિંદાની દીકરી ટીનાએ પણ આ અંગે મોટું નિવેદન આપ્યું છે. સાથે જ ગોવિંદાના ડોક્ટરે પણ એક મોટો ખુલાસો કર્યો છે.એવું લાગે છે કે ધીરે ધીરે આખી દુનિયા અને ગોવિંદાના પોતાના જ લોકો એક પછી એક તેમની વિરુદ્ધ થતા જાય છે. ગોવિંદાની પત્ની સુનીતા આહુજા દરેક ઇન્ટરવ્યુમાં ગોવિંદા વિરુદ્ધ કંઈકને કંઈક બોલી રહી હતી. હવે ગોવિંદાની દીકરી ટીનાએ પણ કંઈક એવું કહી દીધું છે
જે સાંભળીને ગોવિંદાના પગ નીચેથી જમીન સરકી જશે. સાથે જ ગોવિંદાની ફિઝિયોથેરાપિસ્ટ ડોક્ટરે પણ સુનીતાને લઈને એક મોટું નિવેદન આપ્યું છે.તાજેતરમાં વુમન્સ ડે (મહિલા દિવસ) નિમિત્તે ટીના આહુજાએ તેની માતા સુનીતા આહુજા માટે ભેટ અને ફૂલો ખરીદ્યા હતા. આ દરમિયાન એક વ્લોગમાં ટીનાએ કેમેરા સામે બોલતા કહ્યું કે, “છેલ્લા બે વર્ષ અમારા પરિવાર માટે ખૂબ જ મુશ્કેલ રહ્યા છે. અમે ઘણું બધું સહન કર્યું છે અને ઘણું જોયું છે.” ટીનાના આ નિવેદનથી બે બાબતો સ્પષ્ટ થાય છે: પહેલી એ કે છેલ્લા બે વર્ષથી તેમના પરિવાર સાથે કંઈક ખૂબ જ ખોટું થઈ રહ્યું છે,
અને ટીનાનો ઈશારો ક્યાંક ને ક્યાંક તેના પિતા ગોવિંદા તરફ જ હતો. બીજી વાત એ કે ટીનાએ કહ્યું કે તે છેલ્લા કેટલાક સમયથી એકલી રહી રહી છે, જેના કારણે તેને હવે શાકભાજી ખરીદવા જેવી ઘરની જવાબદારીઓ અને મોલભાવ કરવાનું આવડી ગયું છે. આનાથી એવા ક્યાસ લગાવાય રહ્યા છે કે કદાચ માતા-પિતાના ઝઘડાથી કંટાળીને ટીનાએ ઘર છોડી દીધું હોય.
અત્યાર સુધી સુનીતા જ બોલી રહી હતી કે ગોવિંદા એક સારા પિતા નથી અને તે પોતાના બાળકોની કારકિર્દી કે દીકરીના લગ્ન પર ધ્યાન નથી આપી રહ્યા. હવે ટીનાના નિવેદનથી ગોવિંદા પર શંકાની સોય વધુ મજબૂત બની છે કે શું ખરેખર ગોવિંદા એક પિતા તરીકેની જવાબદારી નથી નિભાવી રહ્યા?બીજી તરફ, ગોવિંદાની ફિઝિયોથેરાપિસ્ટ ડોક્ટર સુરભિએ એક ઇન્ટરવ્યુમાં સુનીતા પર સવાલ ઉઠાવ્યા છે. આપને યાદ હશે કે વર્ષ 2024માં ગોવિંદાના પગમાં ગોળી વાગી હતી
અને તે ઘણા દિવસો હોસ્પિટલમાં રહ્યા હતા. ડોક્ટર સુરભિએ જણાવ્યું કે, “ગોવિંદા મારા હોસ્પિટલમાં અનેકવાર ફિઝિયોથેરાપી માટે આવ્યા છે, પરંતુ મેં આજ સુધી ક્યારેય તેમની પત્ની સુનીતાને તેમની સાથે જોયા નથી. ગોવિંદા આટલી પીડામાં પણ એકલા જ હોસ્પિટલ આવતા હતા. તેઓ ખૂબ મજબૂત ફાઇટર છે અને મને આશા છે કે તેઓ પોતાની અંગત સમસ્યાઓ ઉકેલી લેશે.”સામાન્ય રીતે જ્યારે કોઈ વ્યક્તિ મુશ્કેલીમાં હોય ત્યારે તેનો જીવનસાથી તેનો સહારો બને છે, પરંતુ ડોક્ટરના દાવા મુજબ સુનીતા એક પણ વાર ગોવિંદાના સેશન્સમાં આવી નહોતી. હવે એ સમજાતું નથી કે સાચું કોણ છે – ગોવિંદા કે તેની પત્ની? એક તરફ દીકરી કહે છે કે પરિવારે ઘણું દુઃખ વેઠ્યું છે, તો બીજી તરફ ડોક્ટર કહે છે કે પત્ની મુશ્કેલ સમયમાં પતિની સાથે નહોતી
