અજિત પવારના પ્લેન ક્રેશ મામલે એક ચોંકાવનારું CCTV ફૂટેજ સામે આવ્યું છે. આ ફૂટેજ બારામતી એરપોર્ટનું છે, જે પ્રથમ વખત જાહેર કરવામાં આવ્યું છે. સવારે 8:45નો સામાન્ય લાગતો સમય અને અચાનક આકાશમાં ધુમાડો ઉઠતો દેખાય છે. આગનો ગોળો ફેલાય છે
અને એક મોટા નેતાના જીવનની છેલ્લી ક્ષણ કેમેરામાં કેદ થઈ જાય છે.28 જાન્યુઆરી 2026ની સવારે મહારાષ્ટ્રના ઉપ મુખ્યમંત્રી અજિત પવાર પોતાના ગૃહ ક્ષેત્ર બારામતી વિધાનસભા વિસ્તારમાં ચૂંટણીસભાઓમાં ભાગ લેવા જઈ રહ્યા હતા. તેમનું વિમાન બારામતી એરપોર્ટ નજીક દુર્ઘટનાગ્રસ્ત થયું. CCTV ફૂટેજમાં દેખાય છે કે લેન્ડિંગના પ્રયાસ દરમિયાન વિમાન અનિયંત્રિત બની નીચે પટકાય છે અને તરત જ ભયંકર આગ તથા ઘાટો ધુમાડો ફેલાઈ જાય છે.
રસ્તા નજીક થયેલી આ દુર્ઘટનામાં વિમાન ટુકડા ટુકડા થઈ ગયું. આસપાસ ફાઈલોના કાગળો અને વિમાનમાંથી ઉઠતો ધુમાડો દૃશ્યને વધુ ભયાનક બનાવી રહ્યો હતો.સરકારી અહેવાલ મુજબ લિયરજેટ 45 વિમાન જ્યારે બારામતી એરપોર્ટ પર ઉતરવાનું હતું ત્યારે ગંભીર ધુમ્મસ અને ઓછી દૃશ્યતા જેવી સમસ્યાઓ હતી, જેના કારણે લેન્ડિંગ અત્યંત પડકારજનક બન્યું હતું. અગાઉ એવું પણ જણાવાયું હતું કે મુંબઈથી ઉડાન ભર્યા પછી લેન્ડિંગ માટે બીજી વખત પ્રયાસ કરવો પડ્યો અને એ જ સમયે નિયંત્રણ ગુમાતા દુર્ઘટના बनी.આ ઘટના માત્ર સામાન્ય અકસ્માત નથી એવો દાવો કરવામાં આવી રહ્યો છે.
અજિત પવારના ભત્રીજા રોહિત પવારે પ્રેસ કોન્ફરન્સમાં અનેક ગંભીર આક્ષેપો કર્યા. તેમણે પાયલટની છેલ્લી વાતચીત અને તેની ગભરાહટ, વિમાનનો ટ્રાન્સપોન્ડર અચાનક બંધ થવો, ટેકનિકલ રેકોર્ડ, એરક્રાફ્ટ મેન્ટેનન્સ, ટેકનિકલ લોગ અને સર્ટિફિકેશન અંગે ગંભીર શંકા વ્યક્ત કરી. ઉપરાંત વિઝિબિલિટી ક્લિયરન્સ અને લેન્ડિંગ નિર્ણય પર પણ પ્રશ્નો ઉઠાવ્યા.તેમણે જણાવ્યું કે PIB અને DGCA દ્વારા જાહેર કરાયેલા સમય અનુસાર વિમાન સવારે 8:18એ બારામતી ATCના સંપર્કમાં આવ્યું હતું, જ્યારે તેમની પાસે રહેલા ટ્રાન્સક્રિપ્ટમાં સમય 8:19 દર્શાવવામાં આવ્યો છે. તેઓ કહે છે કે એક મિનિટનો પણ મોટો ફરક પડે છે કારણ કે એટલું ઝડપી વિમાન એક મિનિટમાં લગભગ 15 કિમીનું અંતર કાપી શકે છે. સ્ટોલ થયા બાદ માત્ર 9 સેકન્ડમાં વિમાન ક્રેશ થયું હતું.
તેથી એક મિનિટના તફાવત પર પણ ગંભીર પ્રશ્નો ઉભા થાય છે.રોહિત પવારે સૂચન કર્યું કે આ માત્ર અકસ્માત નહીં પરંતુ સંભવિત સાજિશ પણ હોઈ શકે છે અને તેમણે સ્વતંત્ર તેમજ બહુ એજન્સી દ્વારા તપાસની માંગ કરી છે.ઘટના બાદ DGCAએ તમામ નોન-શેડ્યુલ ઓપરેટરોની સુરક્ષા ઓડિટ શરૂ કરવાની જાહેરાત કરી છે જેથી આવી દુર્ઘટનાઓની સંભાવના ઓછી કરી શકાય. રાજ્ય સરકારે પણ આ મામલે રાજકારણ ન કરવાની અને નિષ્પક્ષ તપાસ કરવાની વાત કહી છે.આ કેસ હવે અનેક પ્રશ્નો ઉભા કરી રહ્યો છે. એક વિમાન દુર્ઘટના, એક CCTV ફૂટેજ અને એક પરિવારના પ્રશ્નો, જે તપાસની દિશા બદલી શકે છે. શું આ માત્ર અકસ્માત હતો કે કંઈક વધુ? સમય સાથે વધુ માહિતી સામે આવી રહી છે અને કેસ વધુ જટિલ બનતો જાય છે.
