ગોવિંદાની પત્ની સુનીતા જ્યારે તેમની સાથે શોઝમાં આવતી હતી ત્યારે સુનીતાને સાંભળવામાં ખૂબ મજા આવતી હતી, કારણ કે ગોવિંદા ખૂબ સંભાળી ને બોલે છે અને બહુ ઓછું બોલે છે. જ્યારે સુનીતા એટલી જ બેફિકર અને ખુલ્લેઆમ બોલે છે. તેમની આ બેફિકરી જ લોકોને પસંદ આવે છે.પરંતુ આજકાલ પોડકાસ્ટમાં સુનીતાનો વિષય માત્ર અને માત્ર ગોવિંદા જ બની ગયો છે અને તેમાં ગોવિંદાની ટીકા થતી રહે છે.
હવે આ ટીકા સુનીતા પોતે કરવા માંગે છે કે પછી જે પોડકાસ્ટમાં તે જાય છે ત્યાંના લોકો એમ કહે છે કે ગોવિંદા વિશે કંઈક બોલશો તો અમને ટાઇટલ લાઇન મળી જશે, એ તો કહી શકાતું નથી. પરંતુ હકીકત એવી થઈ ગઈ છે કે જો સુનીતાનો પોડકાસ્ટ હોય તો વિષય ગોવિંદા જ હોય છે.હવે ફરી એક વખત સુનીતાએ એક પોડકાસ્ટ આપ્યો છે, જેમાં તેમણે ગોવિંદા વિશે ઘણું બધું કહ્યું છે. તેમણે તો ગોવિંદાને અહીં સુધી કહી દીધું કે તમે બાપ છો કે શું.
સુનીતાએ કહ્યું કે મારો દીકરો યશ લોન્ચ થવાનો છે. યશે ક્યારેય ગોવિંદાને નથી કહ્યું કે મારી મદદ કરો કે કોઈ સાથે વાત કરીને મને ફિલ્મ અપાવો. અને ગોવિંદાએ પણ આગળથી આવું કંઈ કર્યું નથી. હું તો ગોવિંદાને કહું છું કે તમે બાપ છો કે શું. આ સમયે જ્યારે તમે 63 વર્ષના છો, ત્યારે તમારે તમારી દીકરીની લગ્ન વિશે વિચારવું જોઈએ. તમારે તમારા દીકરાના કરિયર વિશે વિચારવું જોઈએ. અને અહીં તમે યુવાન છોકરીઓના ચક્કરમાં ફસાઈ રહ્યા છો.તમને જણાવી દઈએ કે થોડા સમય પહેલા ખબર આવી હતી કે ગોવિંદાનો અફેર કોઈ યુવાન મરાઠી અભિનેત્રી સાથે ચાલી રહ્યો છે. એ જ બાબતને લઈને સુનીતા વારંવાર ઇન્ટરવ્યૂમાં ગોવિંદાને ક્લાસ લેતી રહે છે.
આ વખતે તો સુનીતાએ અહીં સુધી કહી દીધું કે હું નેપાળની છું, કોઈ દિવસ કુકરી કાઢી તો છોડીશ નહીં. તેથી જ કહું છું કે સાવધાન રહો, સંભળી જાઓ.સુનીતાનો ગુસ્સો ગોવિંદા પ્રત્યે યોગ્ય હોઈ શકે છે. પરંતુ એ જરૂરી નથી કે આ ગુસ્સો હંમેશા મીડિયા સામે વ્યક્ત કરવામાં આવે. થોડા સમય પહેલા કૃષ્ણા હતા,
જે કપિલ શર્માના શોમાં ગોવિંદાને લઈને કંઈ ને કંઈ કોમેન્ટ કરતા રહેતા હતા. હવે એ બંધ થયું તો હવે ખુદ પત્ની આવીને ગોવિંદાને મીડિયા માં બેશ કરી રહી છે.અને જ્યારે ઘરના લોકો ગોવિંદાની ટીકા નથી કરતા, ત્યારે ઇન્ડસ્ટ્રીના તેમના કેટલાક સહકર્મીઓ અને જૂના લોકો ઇન્ટરવ્યૂમાં આવીને ગોવિંદાના કિસ્સા કહે છે કે તેઓ મોડા આવે છે, તેઓ બહુ વધારે અંધશ્રદ્ધાળુ છે. કુલ મળીને ગોવિંદાનું નામ આજે પણ ચાલે છે, પછી ભલે તે નેગેટિવ રીતે લો કે પોઝિટિવ રીતે લો.
