ગોવિંદા અને સુનિતા આહુજા વિશે મોટા સમાચાર આવી રહ્યા છે. સુનિતાએ બાંદ્રા કોર્ટમાં ગોવિંદા વિરુદ્ધ છૂટાછેડાનો કેસ દાખલ કર્યો છે. સુનિતાએ ગોવિંદા વિરુદ્ધ છેતરપિંડી અને ક્રૂરતાના ગંભીર આરોપો લગાવ્યા છે.હોટરફ્લાયના જણાવ્યા અનુસાર, સુનિતાએ ડિસેમ્બર 2024 માં બાંદ્રા ફેમિલી કોર્ટમાં ગોવિંદાથી છૂટાછેડા માટે અરજી દાખલ કરી હતી, જેમાં હિન્દુ લગ્ન કાયદા હેઠળ છેતરપિંડી અને ક્રૂરતાનો ઉલ્લેખ કરવામાં આવ્યો હતો. ત્યારબાદ કોર્ટે ગોવિંદાને સમન્સ પાઠવ્યું હતું.
પરંતુ ગોવિંદા કોર્ટમાં હાજર થયો ન હતો. સુનિતા દર વખતે સુનાવણી માટે કોર્ટમાં પહોંચી હતી પરંતુ ગોવિંદા હાજર રહ્યો ન હતો. આ વર્ષથી, ગોવિંદા અને સુનિતાના છૂટાછેડાના સમાચારોએ જોર પકડ્યું છે. ગોવિંદાને કોર્ટમાં હાજર થવા માટે ઘણી વખત સમન્સ પાઠવવામાં આવ્યું હતું પરંતુ તે રૂબરૂ હાજર થયો ન હતો. આ પછી, મે 2025 માં તેની સામે કારણદર્શક નોટિસ જારી કરવામાં આવી હતી. જૂન 2025 માં, કોર્ટે ગોવિંદા અને સુનિતાને સમાધાન કરવાની તક આપી.
પતિ-પત્નીને કોર્ટ દ્વારા સંબંધ ઉકેલવા માટે કાઉન્સેલિંગ આપવામાં આવ્યું હતું. સુનિતા દર વખતે આ કાઉન્સેલિંગમાં પહોંચી હતી પરંતુ ગોવિંદા ઘણીવાર ગેરહાજર રહેતો હતો. સુનિતાએ તાજેતરમાં તેના વ્લોગમાં સૂચવ્યું હતું કે
ગોવિંદાએ પોતાના વ્લોગમાં સંકેત આપ્યો હતો કે કોઈ તેના લગ્ન જીવનને બરબાદ કરવાનો પ્રયાસ કરી રહ્યું છે અને તેની સ્વર્ગસ્થ માતા તેને છોડશે નહીં. ગોવિંદાનું નામ 30 વર્ષીય મરાઠી અભિનેત્રી સાથે જોડવામાં આવી રહ્યું છે. અહેવાલ છે કે ગોવિંદા તે છોકરીના પ્રેમમાં છે.
જોકે આ અંગે કોઈ સત્તાવાર માહિતી નથીઅગાઉ, ગોવિંદાના પગમાં ગોળી વાગી હતી, જેને ઘણા લોકો ગોવિંદા અને સુનિતા વચ્ચે ચાલી રહેલા તણાવ સાથે જોડતા હતા. પહેલા ફક્ત એવી અફવાઓ હતી કે સુનિતા અને ગોવિંદા છૂટાછેડા લઈ રહ્યા છે. પરંતુ આજે આ વાતની પુષ્ટિ થઈ છે. પરંતુ તેનાથી પણ વધુ ચોંકાવનારી વાત એ છે કે સુનિતાએ ગોવિંદા પર ક્રૂરતા અને છેતરપિંડી જેવા ગંભીર આરોપો લગાવ્યા છે.
