સ્ટાર ક્રિકેટર રિંકુ સિંહના પિતાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે ઘરે-ઘરે ગેસ સિલિન્ડર પહોંચાડતા જોવા મળી રહ્યા છે. આ વીડિયો સોશિયલ મીડિયા પર ઘણો ધૂમ મચાવી રહ્યો છે. જણાવી દઈએ કે, રિંકુ સિંહ હવે ભારતીય ક્રિકેટમાં જાણીતું નામ બની ગયું છે. આ પછી પણ તેમના પિતાએ તેમનું જૂનું કામ છોડ્યું નથી અને આજે પણ તેઓ સિલિન્ડર ડિલિવરીનું કામ જાતે જ જુએ છે અને કરે છે. આ વીડિયો જોયા બાદ ફેન્સ રિંકુ સિંહના પિતાને સલામ કરી રહ્યા છે. રિંકુ સિંહના પિતાની આ સ્ટાઈલથી ચાહકો ગદગદા થઈ ગયા હતા.
ભારતીય ક્રિકેટર રિંકુ સિંહના પિતા ખાનચંદ સિંહનું શુક્રવારે (27 ફેબ્રુઆરી, 2026) વહેલી સવારે ગ્રેટર નોઈડાની એક હોસ્પિટલમાં લાંબી બીમારી બાદ અવસાન થયું, એમ પરિવારના સૂત્રોએ જણાવ્યું હતું.સત્તાવાર સૂત્રોએ જણાવ્યું હતું કે, પિતાના મૃત્યુના સમાચાર સાંભળ્યા પછી, રિંકુ સિંહે T20 વર્લ્ડ કપ ટૂર્નામેન્ટની વચ્ચે જ ટીમ છોડી દીધી છે.ગ્રેટર નોઈડાની યથાર્થ હોસ્પિટલના પ્રવક્તા ડૉ. સુનિલ કુમાર, જ્યાં ક્રિકેટરના પિતાને દાખલ કરવામાં આવ્યા હતા, તેમણે જણાવ્યું હતું કે ખાનચંદ સિંહ લીવર કેન્સર સામે લડી રહ્યા હતા.
“છેલ્લા દિવસોમાં તેમની તબિયત ઘણી બગડી ગઈ હતી, જેના પગલે તેમને 21 ફેબ્રુઆરીએ હોસ્પિટલમાં દાખલ કરવામાં આવ્યા હતા. તેમને વેન્ટિલેટર સપોર્ટ પર રાખવામાં આવ્યા હતા અને આજે સવારે તેમણે અંતિમ શ્વાસ લીધા,” કુમારે જણાવ્યું.પિતાની ગંભીર હાલતને કારણે, રિંકુને T20 વર્લ્ડ કપની વચ્ચે જ ઘરે પાછા ફરવું પડ્યું. જોકે, 26 ફેબ્રુઆરીએ ઝિમ્બાબ્વે સામેની મેચ પહેલા તે ભારતીય ટીમમાં ફરી જોડાયો. તે તાજેતરમાં જ તેના પિતાને મળવા નોઈડા ગયો હતો.
થોડા મહિના પહેલા રિંકુએ ખુલાસો કર્યો હતો કે, આજે પણ તેના પિતા એ જ જૂનું કામ કરે છે. આજે પણ તે દરેક ઘરે એલપીજી ગેસની બોટલ પહોંચાડે છે. રિંકુએ તેના પિતાને કહ્યું કે “હવે આરામ કરો પરંતુ તે હજી પણ તે કરે છે અને તેમના કામથી તે પ્રેમ કરે છે,” ક્રિકેટરે કહ્યું કે, “જો કોઈ વ્યક્તિએ આખી જીંદગી કામ કર્યું હોય, તો તેને રોકવાનું કહેવું મુશ્કેલ છે, જ્યાં સિવાય કે તે જાતે ન ઇચ્છે.”
જણાવી દઈએ કે, રિંકુ સિંહનો જન્મ ઉત્તર પ્રદેશના અલીગઢમાં થયો હતો. KKRએ તેને IPL 2024 માટે 55 લાખ રૂપિયામાં જાળવી રાખ્યો છે. તેને KKR દ્વારા 2018માં પ્રથમવાર 80 લાખ રૂપિયામાં ખરીદ્યો હતો. પ્રથમ સિઝન સારી ન હોવા છતાં કેકેઆરને હંમેશા તેની ક્ષમતા પર વિશ્વાસ હતો. KKRને આનો ફાયદો 2023 IPLમાં મળ્યો, જ્યારે રિંકુએ પોતાની આક્રમક બેટિંગથી કોલકાતા માટે ઘણી મેચો જીતી હતી
ક્રિકેટર રિંકુ સિંહે IPLમાં એક નોંધપાત્ર સિદ્ધિ હાંસલ કરી છે. KKR ખેલાડી રિંકુ સિંહે ગુજરાત ટાઇટન્સ સામેની મેચની છેલ્લી ઓવરમાં સતત પાંચ છગ્ગા ફટકારીને પોતાની ટીમને વિજય અપાવ્યો. રિંકુ સિંહ ઉત્તર પ્રદેશના અલીગઢનો રહેવાસી છે.
