એક્ટર રણદીપ હુડ્ડા અને તેમની પત્ની લિન લેશરામ જલ્દી જ માતા-પિતા બનવાના છે. એક્ટરે તેમની લગ્નની બીજી એનિવર્સરી પર આ ખુશખબર ચાહકો સાથે શેર કરી છે. રણદીપે લિન સાથે ફોટો શેર કરીને સારા સમાચાર આપ્યા છે.
રણદીપ હુડ્ડાએ સોશિયલ મીડિયા પ્લેટફોર્મ ઇન્સ્ટાગ્રામ પર એક ફોટો પોસ્ટ કર્યો છે, જેમાં તે અને તેની પત્ની લિન જંગલમાં કેમ્પિંગ કરતા જોવા મળી રહ્યા છે. ફોટોના કેપ્શનમાં એક્ટરે લખ્યું છે કે, પ્રેમ અને સાહસના બે વર્ષ અને હવે…એક નાનું મહેમાન આવવાનું છે
રણદીપે વર્ષ 2023માં મણિપુરની રહેવાસી એક્ટ્રેસ લિન લેશરામ સાથે લગ્ન કર્યાં હતાં. બંનેના લગ્ન ઇમ્ફાલમાં મૈતેઈ રીતિ-રિવાજ મુજબ થયા હતા. બંનેની પહેલી મુલાકાત નસીરુદ્દીન શાહના થિયેટર ગ્રુપ ‘મોટલી’માં થઈ હતી.મિત્રતાથી શરૂ થયેલો આ સંબંધ પ્રેમમાં બદલાયો અને
પછી લોકડાઉનના સમયે બંને લિવ-ઇનમાં રહેવા લાગ્યા. વર્ષ 2022માં રણદીપે ઇન્સ્ટાગ્રામ દ્વારા લિન સાથેના પોતાના સંબંધોને ઓફિશિયલ કર્યા હતા. પછી એક વર્ષ બાદ બંને લગ્નના બંધનમાં બંધાઈ ગયા.
