–તમને બધાને ઊંઘ કેમ આવી રહી છે? અમને પણ ઊંઘ આવી રહી છે. હકીકતમાં મેં આ અંગે થોડું વિચાર્યું છે. હવે ભારત સરકાર અમેરિકન ટાઈમ ઝોન મુજબ ચાલે છે. એટલે સ્વાભાવિક છે કે મીડિયાને પણ રાત્રે જાગવું પડે છે. વિપક્ષને પણ રાત્રે જાગવું પડે છે, કારણ કે બધા નિર્ણયો અમેરિકા પરથી લેવાઈ રહ્યા છે. તેમના સમય મુજબ લેવાઈ રહ્યા છે. ગઈકાલે રાત્રે કે આજે વહેલી સવારમાં અમેરિકા તરફથી ડીલ આવી. સીઝફાયરથી લઈને અત્યાર સુધીના બધા નિર્ણયો અમેરિકન ટાઈમ ઝોન પ્રમાણે થઈ રહ્યા છે.
પીયુષ ગોયલજીની પ્રેસવાર્તા પણ મોડી શરૂ થઈ. તેઓ પણ સૂતા હશે, ઊંઘ આવી હશે. આંતરરાષ્ટ્રીય પ્રવાસ કર્યા વિના જ બધા જેટલેગ્ડ થઈ ગયા છે. આખું દેશ જેટલેગમાં છે. ભારત સરકાર અમેરિકન ટાઈમ ઝોન પ્રમાણે ચાલી રહી છે. આથી વધુ દુઃખદ વાત બીજી કોઈ નથી.ડીલ શું હોય છે? ડીલ તે હોય છે જે સામે બેઠા રહીને ચર્ચા કરીને થાય. કાનપટ્ટી પર બંદૂક રાખીને, કોઈ સીડિ બતાવીને, બ્લેકમેઈલ કરીને જે થાય તે ડીલ નથી. તે સરેન્ડર છે. નામ નરેન્દ્ર અને કામ સરેન્ડર. આ ડીલથી ફરી સાબિત થઈ ગયું છે. નરેન્દ્ર મોદીજીએ અમેરિકા સામે પૂરેપૂરા ઘૂંટણ ટેક્યા છે. અમે ભલે વિપક્ષમાં હોઈએ, પણ આ જોઈને અમને સારો લાગતો નથી.
વિપક્ષમાં હોવું અલગ વાત છે, પરંતુ ભારતનો પ્રધાનમંત્રી જ્યારે અમેરિકા, ચીન કે અન્ય દેશો સામે ઘૂંટણ ટેકે છે, ત્યારે દરેક ભારતીયને દુઃખ થાય છે. તે કોઈપણ વિચારધારાનો હોય.ભારતની અર્થવ્યવસ્થા, ભારતની ખેતી અને આપણા તમામ હિતો થાળી માં પીરસીને ડોનાલ્ડ ટ્રમ્પ સામે મૂકી દેવામાં આવ્યા છે. થાળી પણ અમારી હતી. બધું આપણું હતું અને બધું આપણે આપી દીધું. હું પીયુષ ગોયલજીને જોઈ રહ્યો હતો. ઊંઘમાં કંઈક બોલી રહ્યા હતા. પરંતુ હું એ પણ વિચારી રહ્યો હતો કે જે ભારતે બુષ, ઓબામા જેવા નેતાઓ સામે આંખમાં આંખ નાખીને સમતોલ સંબંધો બનાવ્યા હતા, તે ભારત આજે ક્યાં છે? આજે એવું કેમ લાગે છે કે નરેન્દ્ર મોદી અને તેમના બે મિત્રો અંબાણી-અદાણીના હિતો સામે ભારતના સામાન્ય નાગરિકોના હિતો પૂરેપૂરા ખતમ કરી દેવામાં આવ્યા છે?આ કોઈ અમેરિકા સાથેનો કરાર નથી. આ આપણા આત્મસન્માન સાથેનો સમજૂતો છે.
આ ખેડૂતો, મધ્યમ વર્ગ અને MSME સાથેનો સમજૂતો છે. જે લોકો હવે ઢોલ અને થાળી વગાડીને આ શોકની ઘડીને ઉત્સવ બતાવવાનો પ્રયાસ કરી રહ્યા છે, તેઓ પણ અંદરથી જાણે છે કે ખરેખર શું થયું છે. આ ડીલ નથી, આ સરેન્ડર છે.નેતા પ્રતિપક્ષ રાહુલ ગાંધી સતત સંસદમાં બોલવાનો પ્રયાસ કરે છે, તેમને રોકવામાં આવે છે. આ ડર એટલા માટે છે કે નરેન્દ્ર મોદી જાણે છે કે તેમણે કેવી રીતે અને શા માટે સરેન્ડર કર્યું છે. શું ડર છે? શું અદાણી કે અંબાણી માટે કર્યું? કે એપ્સ્ટીન ફાઈલોને કારણે? દેશ બધું સમજી રહ્યો છે.અમેરિકા લાંબા સમયથી ભારતનો સૌથી મોટો ટ્રેડ સરપ્લસ પાર્ટનર રહ્યો છે. આપણે ત્યાં મોટા પાયે નિકાસ કરી છે. પરંતુ હવે ભારતને અમેરિકાનું ડમ્પિંગ ગ્રાઉન્ડ બનાવી દેવામાં આવ્યું છે. ૫૦૦ બિલિયન ડોલરની આયાત આગામી પાંચ વર્ષમાં કરવાની વાત છે. વર્ષના ૧૦૦ બિલિયન ડોલર. રૂપિયા અને અર્થવ્યવસ્થાની હાલત તમને ખબર છે. આ પૈસા ક્યાંથી આવશે? શું લેશો? તેનો જવાબ પીયુષ ગોયલ પાસે નથી.તેમણે શું નહીં આવે તેની યાદી વાંચી. પરંતુ શું આવશે તે નથી જણાવ્યું.
જે છુપાવવામાં આવ્યું છે તે વધુ મહત્વનું છે. આ પ્રેસ કોન્ફરન્સમાં જે નથી બોલાયું તે વધારે મહત્વનું છે. તે અહીં નહીં, વોશિંગ્ટન ડીસીમાં અમેરિકન ટાઈમ ઝોન મુજબ બોલાશે.અમેરિકાના ખેડૂત આ ડીલથી ખુશ છે, ઉત્સવ મની રહ્યો છે. કારણ સ્પષ્ટ છે. તેમને ભારત જેવો મોટો બજાર મળ્યો છે. આ વાત પીયુષ ગોયલ તમને નહીં કહે. મિત્રતા સમાનતા પર આધારિત હોય છે. રોજ બે થપ્પડ મારીને પછી એક મારીએ તો તેને રાહત કહેવાય?૩ ટકા ટેરિફને ૫૦ કરી પછી ૧૮ કરાયું અને આપણે ખુશ થઈએ છીએ. પરંતુ ૩ ટકાએ જ અમારી અર્થવ્યવસ્થા મજબૂત બનાવી હતી. એ આંકડો ગાયબ કરી દેવામાં આવ્યો. આને સ્પિનિંગ કહે છે.અમેરિકા કહે છે કે ભારત પર નજર રાખશે. નજર કોના પર રાખવામાં આવે?
ચોર પર. અને આપણે ખુશ થઈએ છીએ. રશિયાથી તેલ ખરીદીએ કે નહીં તેની પણ નજર. આ કેવો સંબંધ છે?આ સરકારમાં કોઈને ખબર નથી કે શું જવાબ આપવો. કોમર્સ મંત્રીએ કહ્યું વિદેશ મંત્રીને પૂછો. વિદેશ મંત્રીએ કહ્યું કોમર્સ મંત્રીને પૂછો. પછી કોઈ ત્રીજો શ્રેય લેવા આવે. સવારે અમેરિકા તરફથી પ્રેસ નોટ આવે કે અમે ભારત પર નજર રાખી રહ્યા છીએ.આ ડીલ ભારતની વિદેશ નીતિ અને ૭૫ વર્ષોની વારસાગત પ્રતિષ્ઠા સાથે મોટો વિશ્વાસઘાત છે. આ ભારતના હિતમાં નથી. આ સંપૂર્ણ સરેન્ડર છે. આ પહેલી વાર નથી. ચીનને ક્લીન ચિટ આપવામાં આવી. હવે અમેરિકાને ૫૦૦ બિલિયનની ખાતરી આપી છે, પરંતુ અમેરિકાની કોઈ સમાન પ્રતિબદ્ધતા નથી.આખરે જે યાદી નથી બોલાઈ, એ યાદીમાં જ ખેડૂતો અને સામાન્ય નાગરિકો માટે વિનાશ છુપાયેલો છે. સરકાર કહે છે ખેડૂતોના હિતમાં છે. જ્યારે પણ આ સરકાર એવું કહે, સમજવું કે ગડબડ છે.પેટની ભૂખ ક્યારેય ખોટું નથી બોલતી. એ ભૂખ જ મોટા રાજાઓને રસ્તા પર લાવે છે. જો ફરી આવું થશે તો જવાબ સરકારને આપવો પડશે.-
