બોલિવૂડમાં ધર્મના ભેદભાવ વિના કામ આપવામાં આવે છે. બોલિવૂડમાં તમામ ધર્મના લોકો કામ કરે છે. તમામ લોકો એકબીજાના ધર્મનું સન્માન કરે છે. બોલિવૂડમાં કેટલાય એવા એક્ટર અને એક્ટ્રેસને પોતાનું સ્ક્રીન નામ કંઈક બીજું જ રાખ્યું છે. પડદાનું નામ એટલું લોકપ્રિય અને પ્રખ્યાત થયું કે, લોકોની જીભે ચડી ગયું. પછી તે દિલીપ કુમાર હોય કે અભિનેતા જિતેન્દ્ર. તેમના અસલી નામ ખૂબ ઓછા લોકોને ખબર છે. આવી જ રીતે અમુક અભિનેત્રીઓએ પોતાના નેમ-ફેમ માટે પોતાના નામ હિન્દુ ધર્મ અનુસાર રાખ્યા છે અને નવા નામથી ઓળખ બનાવી છે. આજે અમે એવી ત્રણ અભિનેત્રીઓ વિશે વાત કરીશું, જેને તમે હિન્દુ સમજતા રહ્યા, પણ અસલ જિંદગીમાં તે મુસ્લિમ છે.
યાદીમાં સૌથી પહેલું નામ અભિનેત્રી મધુબાલાનું છે. મધુબાલાનો જન્મ દિલ્હીમાં એક મુસ્લિમ પઠાણ પરિવારમાં થયો હતો. 14 ફેબ્રુઆરી 1933ના રોજ જન્મેલી મધુબાલાનું અસલી નામ મુમતાઝ બેગમ જહાં દેહલવી હતું. તેમના પિતા અતાઉલ્લાહ ખાન સારી જિંદગીની શોધમાં મુંબઈ આવ્યા હતા. ફિલ્મ સ્ટુડિયોમાં કામ કરતા હતા. મુમતાઝે 9 વર્ષની ઉંમરમાં ફિલ્મમાં કામ કરવાનું શરૂ કર્યું. તે સમયની પ્રખ્યાત અભિનેત્રી દેવિકા રાનીએ તેને મધુબાલા નામ રાખવાની ભલામણ કરી. પછી શું હતું? નામ બદલતા જ ભાગ્ય ચમકવા લાગ્યું. જોતજોતામાં મધુબાલા હિન્દી ફિલ્મોની પ્રખ્યાત એક્ટ્રેસ બની ગઈ. મધુબાલા અભિનેતા દિલીપ કુમારને ખૂબ પ્રેમ કરતા. બાદમાં તેમણે સિંગર કિશોર કુમાર સાથે લગ્ન કરી લીધા. 23 ફેબ્રુઆરી 1969માં 36 વર્ષની ઉંમરમાં મધુબાલાનું નિધન થઈ ગયું હતું.
લિસ્ટમાં બીજું નામ રીના રોયનું છે. રીના રોયનું બાળપણનું નામ સાયરા અલી હતું. તેમના પિતા સાદિક અલી, એક એક્ટર હતા. તેમની માતા શારદા રોય પણ એક્ટ્રેસ રહ્યા છે. રીના રોયના માતા-પિતાના જ્યારે તલાક થયા તો તેમની માતાએ તેમનું નામ બદલી નાખ્યું. તેમણે રુપા રોય નામ રાખી દીધું. રીના રોયે ઘર ચલાવવા માટે બારમાં ડાન્સ કર્યો. રીના રોયને ફિલ્મમાં પહેલો મોકો ડિરેક્ટર બી.આર. ઈશારાએ આપ્યો હતો. તેમની ફિલ્મ “નઈ દુનિયા”, “નયે લોગ” ફિલ્મમાં બ્રેક આપ્યો હતો. બી.આર. ઈશારાએ તેમને નામ બદલવાની સલાહ આપી હતી. રુપા રોય ત્યાંથી રીના રોય બની ગઈ. રીના રોયનું નામ બદલાયું તો કિસ્મત પણ બદલાઈ ગઈ. “કાલીચરણ”, “જખ્મી”, “ઉધાર કા સિંદૂર” અને “નાગિન” જેવી ફિલ્મોએ તેમને જમીન પરથી ઉપાડીને ટોચ પર લઈ ગયા. રીના રોયે 1983માં પાકિસ્તાની ક્રિકેટર મોહસિન ખાન સાથે લગ્ન કર્યા હતા. જોકે, તેમના લગ્ન લાંબા સમય સુધી ટકી શક્યા નહોતા. બંને વચ્ચે તલાક થઈ ગયા હતા.
એક્ટ્રેસ તબ્બૂએ બોલિવૂડમાં પોતાની દમદાર એક્ટિંગથી લાખો લોકોના દિલ પર રાજ કરે છે. તબ્બૂનું અસલી નામ તબસ્સુમ ફાતિમા હાશમી છે. તબ્બૂ વેટરન એક્ટ્રેસ શબાના આઝમીની ભત્રીજી છે. શબાના આઝમીના કારણે જ તબ્બૂ ફિલ્મોમાં આવી. તબ્બૂએ ફક્ત 14 વર્ષની ઉંમરમાં ફિલ્મ હમ “નૌજવાન”માં દેવ આનંદ સાથે ડેબ્યૂ કર્યું હતું. 4 નવેમ્બર 1971માં હૈદરાબાદમાં જન્મેલી તબ્બૂના પિતાનું નામ જમાલ અલી હાશમી અને માતાનું નામ રિઝવાના છે. તબ્બૂ પોતાના પિતાની સરનેમ હાશમી પણ નથી લગાવતી.
તબ્બૂની પહેલી ફિલ્મ “પહલા પહલા પ્યાર” ફ્લોપ રહી હતી. જોકે, તે જ વર્ષે અજય દેવગન સાથે આવેલી ફિલ્મ “વિજયપથ”માં તેના કામના ખૂબ વખાણ થયા. તેને ફિલ્મફેરનો બેસ્ટ ફીમેલ ડેબ્યૂનો એવોર્ડ મળ્યો. ફિલ્મ “માચીસ” માટે પણ તેને કરિયરનો બેસ્ટ એક્ટ્રેસનો નેશનલ એવોર્ડ મળ્યો. અસલ જિંદગીમાં તબ્બૂએ હજુ સુધી લગ્ન નથી કર્યા. તબ્બૂનું નામ સાઉથ સ્ટાર નાગાર્જુન સાથે જોડાઈ ચુક્યું છે. તબ્બૂએ એક ઇન્ટરવ્યૂમાં સિંગલ રહેવાનું કારણ બતાવતા જણાવ્યું હતું કે, “મને સિંગલ વર્ડ બિલકુલ ખરાબ નથી લાગતો.”
