બોલિવૂડના એક સમયના સુપરસ્ટાર Govindaને લઈને ફરી એકવાર ચર્ચાઓ તેજ થઈ ગઈ છે. આ વખતે ચર્ચાનું કારણ છે તેમના જ ભાણેજ અને કોેડિયન Krushna Abhishekનું નિવેદન, જે સોશિયલ મીડિયા પર ઝડપથી વાયરલ થઈ રહ્યું છે.ગોવિંદા હાલમાં પોતાના કારકિર્દીના સૌથી મુશ્કેલ સમયમાંથી પસાર થઈ રહ્યા છે. એક સમય એવો હતો જ્યારે તેમની ફિલ્મો બોક્સ ઓફિસ પર હિટ થતી અને તેઓ બોલિવૂડના ટોચના સ્ટાર ગણાતા. પરંતુ આજે પરિસ્થિતિ બદલાઈ ગઈ છે.
તેમને નવી ફિલ્મો મળતી નથી અને નિર્માતા-દિગ્દર્શકો પણ તેમની ઉપર રોકાણ કરવા માટે તૈયાર નથી.આ વચ્ચે તેમની વ્યક્તિગત જિંદગી પણ ચર્ચામાં આવી છે. ગોવિંદાની પત્ની Sunita Ahujaએ કેટલાક નિવેદનો આપ્યા છે, જેમાં તેમણે આરોપ લગાવ્યો છે કે ગોવિંદાનો કોઈ સાથે સંબંધ ચાલી રહ્યો છે. તેમણે તો એ પણ કહ્યું કે વૃદ્ધાવસ્થામાં ગોવિંદાને પ્રેમનો બુખાર ચઢ્યો છે. આ નિવેદનો પછી સોશિયલ મીડિયા અને મીડિયા બંનેમાં ચર્ચાઓ તેજ થઈ ગઈ છે.આ સમગ્ર મામલે અત્યાર સુધી પરિવાર તરફથી કોઈ પ્રતિક્રિયા આવી નહોતી. પરંતુ હવે કૃષ્ણા અભિષેકે આ મુદ્દે પોતાની પ્રતિક્રિયા આપી છે.
ટાઈમ્સ ઓફ ઇન્ડિયા સાથેની વાતચીતમાં કૃષ્ણાએ જણાવ્યું કે સુનીતા મામીને જે કહેવું હોય તે કહી શકે છે, કારણ કે આ પતિ-પત્ની વચ્ચેનો મુદ્દો છે. તેમણે સ્પષ્ટ કહ્યું કે તેઓ આ મામલે કોઈ ટિપ્પણી કરવા માંગતા નથી, કારણ કે તેમનું પોતાનું પરિવાર છે અને તેઓ ગોવિંદા અને સુનીતા બંનેનો ખૂબ આદર કરે છે.કૃષ્ણાએ એ પણ ઉમેર્યું કે મીડિયા માં ઘણી વાતો ચાલી રહી છે,
પરંતુ તેમને પોતે ખબર નથી કે તેમાં કેટલી સચ્ચાઈ છે. જો સુનીતા મામી કોઈ બાબતે નારાજ હોય તો તે પોતે પોતાની રીતે વાત કરશે અને તેમાં અન્ય કોઈએ દખલ કરવી યોગ્ય નથી.કૃષ્ણા અભિષેકના આ નિવેદનથી સ્પષ્ટ થાય છે કે તેઓ આ વિવાદથી દૂર રહેવા માંગે છે. તેમણે કોઈ પણ પ્રકારની પબ્લિસિટી લેવાની જગ્યાએ પોતાના પરિવારને પ્રાથમિકતા આપી છે. જોકે, છેલ્લા કેટલાક સમયથી કૃષ્ણા અને ગોવિંદાના સંબંધોમાં તણાવની ચર્ચાઓ પણ સામે આવી ચૂકી છે
.વર્ક ફ્રન્ટની વાત કરીએ તો ગોવિંદાની છેલ્લી ફિલ્મ Rangeela Raja 2019માં આવી હતી. ત્યારબાદથી તેઓ મોટા પડદા પર જોવા મળ્યા નથી. લગભગ સાત વર્ષથી તેમના કમબેકની રાહ જોવાઈ રહી છે.થોડીક સમય પહેલા એવી ચર્ચા હતી કે ફિલ્મ Bhagam Bhagની સિક્વલમાં તેઓ મોટો કમબેક કરશે. પરંતુ તાજેતરમાં Paresh Rawalએ જાહેર કર્યું કે સિક્વલમાં ગોવિંદાની જગ્યાએ Manoj Bajpayeeને લેવામાં આવ્યા છે. આ કારણે ગોવિંદાનો સંભાવિત કમબેક ફરી અટકી ગયો છે.હવે પ્રશ્ન એ છે કે શું પરિવાર આ વિવાદને આંતરિક રીતે ઉકેલી લેશે કે પછી આ મુદ્દો વધુ વકરશે. સાથે જ, શું ગોવિંદા ફરી એકવાર બોલિવૂડમાં મજબૂત વાપસી કરશે કે નહીં, તે સમય જ કહેશે.
