શાહરૂખ ખાન, સલમાન ખાન અને આમિર ખાનને એક સાથે જોવું ફેન્સને ઘણું પસંદ આવે છે. જ્યારે ત્રણેય સાથે દેખાય છે ત્યારે દરેક જગ્યાએ તેમની જ ચર્ચા થાય છે. જોકે, બહુ ઓછા પ્રસંગોએ તેઓ એકસાથે દેખાય છે.
પરંતુ તાજેતરમાં ત્રણેયે રાત્રે યોજાયેલા જોય ફોરમ 2025માં હાજરી આપી હતી. જ્યાં ત્રણેય ખાને હિન્દી સિનેમાને લઈને ખુલ્લેઆમ પોતાની વાત મૂકી હતી અને એકબીજાની પ્રશંસા કરવાનું પણ ચૂક્યા નહોતા.
જણાવી દઈએ કે જોય ફોરમ 2025 એક નવું વૈશ્વિક મંચ છે જે મનોરંજનને નવી વ્યાખ્યા આપી રહ્યું છે. જ્યાં ઉદ્યોગ જગતના દિગ્ગજ, ટોચની આંતરરાષ્ટ્રીય અને વિશ્વની મનોરંજન કંપનીઓ એક સાથે આવી રહી છે.વાતચીત દરમિયાન સલમાન ખાને કહ્યું કે, “આમિર ખાન ફિલ્મી પૃષ્ઠભૂમિમાંથી છે અને હું પણ, પરંતુ શાહરૂખ ખાન ત્યાંથી નથી.
તે દિલ્હીથી આવ્યા છે.”આ પર શાહરૂખ ખાને હસતાં જવાબ આપ્યો, “હું પણ ફિલ્મી પૃષ્ઠભૂમિમાંથી જ છું, કારણ કે સલમાન ખાન અને આમિર ખાનનું કુટુંબ જ મારું કુટુંબ છે.”એ સાંભળીને આમિર ખાને તરત કહ્યું, “હવે તમને સમજાઈ ગયું હશે કે શાહરૂખ ખાન સ્ટાર કેમ છે.”.
