આજના સમયમાં સોશિયલ મીડિયા પર આપણે દરરોજ લાખો વીડિયો જોઈએ છીએ. કોઈ ડાન્સ કરે છે, કોઈ ફની કન્ટેન્ટ બનાવે છે, પરંતુ કેટલાક લોકો એવા પણ હોય છે જે માત્ર વાયરલ થવા માટે નહીં, પરંતુ કોઈના જીવનમાં પ્રકાશ લાવવા માટે વીડિયો બનાવે છે. ખાસ કરીને એ બાળકો માટે, જેને આપણે ઘણી વાર રસ્તાઓ પર જોઈએ છીએ અને અવગણી દઈએ છીએ. એ જ અવગણાયેલા બાળકો એક વ્યક્તિની નજરમાં આવ્યા અને ત્યારથી મદદ કરવાની કહાની શરૂ થઈ ગઈ.હા, એ નામ છે હુસેન મન્સૂરી.એક એવો ક્રિએટર જેણે પોતાના ફોનના કેમેરાને માત્ર કેમેરો નહીં પરંતુ નેકીનું હથિયાર બનાવી દીધું છે.હુસેન મન્સૂરી સોશિયલ મીડિયા ઇન્ફ્લુએન્સર છે. Instagram અને YouTube પર ખુબજ લોકપ્રિય છે.
પરંતુ તેમની ઓળખ માત્ર એટલી નથી.ગરીબોની મદદ કરવી, બેઘરોને સહારો આપવો અને દુનિયાને ઇન્સાનિયત બતાવવી – એ જ તેમની સાચી ઓળખ છે.એમનો મંતવ્ય એક જ છે —મદદ કરવા માટે અમીર હોવું જરૂરી નથી, દિલ મોટું હોવું જોઈએ.હાલમાં તેમનો એક વીડિયો ખુબ વાયરલ થયો હતો જેમાં હુસેન એક ગરીબ બાળકને નવી ચપ્પલ પહેરાવે છે. પછી તેની આંખ પર પટ્ટી બાંધે છે અને જ્યારે પટ્ટી ખૂલે છે ત્યારે બાળકના સામે ચમકતી નવી સાયકલ ઊભી હોય છે.બાળકનું ચહેરું તુરંત ખુશીથી ખીલી ઊઠે છે અને તેની માતાની આંખોમાં ખુશીના આંસુ આવી જાય છે.આ માત્ર વીડિયો નહોતો,આ તો એક નાનો ચમત્કાર હતો.હુસેન મન્સૂરી આવા નાના–મોટા કામોથી ગરીબ બાળકો માટે કપડાં, જૂતાં, અને જરૂરી વસ્તુઓનો જોગવાઈ કરે છે. તેમના વીડિયોઝ જોઈને લોકો ભાવુક થઈ જાય છે.
ઘણી વખત લોકો વિચાર કરે છે કે કાશ અમે પણ આવી મદદ કરી શકતા.જ્યાં સોશિયલ મીડિયા પર ઝઘડા, ગાળો અને નફરત ક્ષણોમાં વાયરલ થઇ જાય છે, ત્યાં હુસેન મન્સૂરી તેમના વીડિયોઝ દ્વારા સાબિત કરે છે કે કન્ટેન્ટ માત્ર મનોરંજન નહીં પરંતુ ઇન્સાનિયતનો સંદેશ પણ આપી શકે છે.તેમના વીડિયોઝ જોઈ અનેક યુવાનો પોતે આગળ આવી મદદ કરવા લાગ્યા છે – અને બસ એ જ છે તેમની સાચી જીત.દિલ જીતવું ટ્રેન્ડ નથી, એ માનવતા છે.YouTubers Me દ્વારા આપવામાં આવેલી રિપોર્ટ મુજબ હુસેન મન્સૂરીની વાર્ષિક કમાણી કરોડોમાં છે.Instagram Ads, YouTube Revenue, Brand Collaborations, Social Work Events અને Motivational Talksથી પણ તેમને કમાણી થાય છે.
પરંતુ રસપ્રદ વાત એ છે કે પૈસા વધ્યા, નામ વધ્યું, ફોલોઅર્સ વધ્યા – પરંતુ હુસેનની નેકી ક્યારેય ઓછી થઈ નહોતી.તેમના વીડિયોઝ લાખો વ્યૂઝ અને હજારો લાઈક્સ મેળવે છે, પરંતુ તેમનો સાચો મૂલ્ય લોકોની વિચારધારા બદલી નાખવાનો છે.આજે ઘણા યુવાનો તેમને જોઈને પ્રેરિત થાય છે કેખુશી વહેંચવા માટે પૈસા નહીં, માત્ર સારો દિલ જોઈએ.હુસેન મન્સૂરીની હાલની ઉંમર 40 વર્ષ છે. તેઓ મુંબઈમાં જ જન્મ્યા અને ત્યાં જ રહે છે.તેમણે પોતાની સ્કુલિંગ કાર્ડિનલ ગ્રેશિયસ હાઈ સ્કૂલમાંથી કરી અને પછી રિવી કોલેજમાંથી ગ્રેજ્યુએશન કર્યું.
તેમને ફોટોગ્રાફી અને સ્ટોરીટેલિંગનો પણ ખૂબ શોખ છે.COVID-19 પેન્ડેમિક દરમિયાન પણ તેમણે ઘણાં લોકોને મદદ કરી હતી.તેમના પરિવારની વાત કરીએ તો તેમની પત્નીનું નામ સફા મન્સૂરી છે. તેમને એક દીકરો અને એક દીકરી છે, જેઓની તસવીરો તેઓ સોશિયલ મીડિયા પર શેર કરતા રહે છે.તો હુસેન મન્સૂરી માત્ર એક ક્રિએટર નથી —એ એક અવાજ છે, એક પ્રેરણા છે અને એ સાબિત કરતી જીવંત મિસાલ છે કે ઇન્સાનિયત આજેય જિંદા છે.જો તમને તેમનું કામ ગમે તો યાદ રાખો —નેકી કરવા માટે સોશિયલ મીડિયા નહીં, માત્ર એક સારા દિલની જરૂર પડે છે.
