રણબીર કપૂરની સૌથી વધુ ચર્ચિત ફિલ્મ એનિમલ તો તમે જોઈ જ હશે અને તમે એ પણ જાણતા જ હશો કે આ ફિલ્મ કર્યા બાદ રણબીર ની માર્કેટ વેલ્યુ ઘણી વધી ગઈ છે. તે સિલેક્ટ કરેલા પ્રોજેક્ટ જ કરે છે અને તેને ફી પણ વધારી દીધી છે. જો કે લોકોનું કહેવું છે કે રણબીરે ભલે વધુ કમાણી વાળી ફિલ્મ કરી હોય પરંતુ આ ફિલ્મ વર્ષો સુધી લોકોને ખરાબ કરશે અને ખોટી વસ્તુ શીખવશે.
જો કે આ સિવાય બોલીવુડના એક અભિનેતાએ પણ એનિમલ ફિલ્મ વિશે વાત કરી છે. તેમને કહ્યું કે રણબીરે આ ફિલ્મ કરી પરંતુ જો મને આ ફિલ્મ કરવાનું કહેવામાં આવે તો હું ૧૦૦ તો શું ૨૦૦ કરોડમાં પણ આ ફિલ્મ ન કરું.
આ એક્ટર બીજું કોઈ નહીં પણ આદિલ હુસૈન છે, જેમણે સંદીપ વાંગા રેડ્ડીની કબીર સિંઘમાં એક નાનકડો રોલ કર્યો હતો, તેણે હવે ફરી એકવાર પોતાના લેટેસ્ટ ઈન્ટરવ્યુમાં સંદીપ વાંગા રેડ્ડીની એનિમલ ફિલ્મ પર નિશાન સાધ્યું છે. તેમને કહ્યું કે જો એનિમલ ફિલ્મ મને ઓફર કરવામાં આવી હોય તો હું ૧૦૦ કરોડ તો શું ૨૦૦ કરોડ ફી ની ઓફરમાં પણ આ ફિલ્મ ન કરત.ન મેં એનિમલ ફિલ્મ જોઈ છે ન કબીર સિંહ જો મને ખબર હોત કે કબીર સિંહ મેસેજ વિનાની ફિલ્મ છે તો હું એ માટે હા ન કહેતો. જ્યારે મે કબીર સિંહ ફિલ્મ કરવાની હા કહી ત્યારે સ્ક્રિપ્ટ સાંભળી ન હતી. સ્ક્રિપ્ટ સાંભળ્યા વિના જ કામ કર્યું હતું.
તેમને કહ્યું કે હવે હું આવી ફિલ્મોથી દૂર રહીશ. જો સંદીપ વાંગા રેડ્ડી વિશે વાત કરીએ તો, જ્યારે આદિલ હુસૈન કબીર સિંહ ફિલ્મ વિશે ખરાબ બોલ્યા હતા, ત્યારે તેણે આદિલ હુસૈનને લોભી અભિનેતા કહ્યો હતો અને ત્યાં સુધી કહ્યું હતું કે હું કબીર સિંહ ફિલ્મમાંથી તમારા ચહેરાને AI દ્વારા બદલીશ અને ખાતરી કરીશ કે તમે મારી ફિલ્મનો ભાગ ન જોવો.
