ફિલ્મ ધુરંધર 2નો ટીઝર આજે રિલીઝ કરવામાં આવ્યો છે અને ટીઝર રિલીઝ થયાના થોડા જ કલાકોમાં ફિલ્મ સાથે જોડાયેલા એક સભ્ય સામે એફઆઈઆર નોંધાઈ છે. આ સભ્ય પર આરોપ છે કે ફિલ્મની શૂટિંગ માટે જે ખાસ પરવાનગીઓ જરૂરી હતી તે લેવામાં આવી નહોતી અને મુંબઈના પ્રોટેક્ટેડ એરિયામાં બિનપરવાનગી ડ્રોન શોટ્સ લેવામાં આવ્યા હતા.મળતી માહિતી મુજબ ધુરંધર 2નો ટીઝર આવી ગયો છે અને ફિલ્મની રિલીઝ તારીખ પણ જાહેર થઈ ગઈ છે,
પરંતુ ફિલ્મની શૂટિંગ હજુ સુધી ચાલી રહી છે. સાઉથ બોમ્બેના બલાર્ડ સ્ટેટ વિસ્તારમાં ધુરંધર 2નો સેટ લાગેલો હતો અને ત્યાં ઘણા દિવસોથી શૂટિંગ ચાલી રહી હતી. જોકે બે દિવસ પહેલા ત્યાં શૂટિંગ અટકાવી દેવામાં આવી કારણ કે ફિલ્મના લોકેશન મેનેજર પર એફઆઈઆર નોંધાઈ હતી.રિપોર્ટ્સ અનુસાર ફક્ત લેન્ડ શૂટ માટે જ પરવાનગીઓ લેવામાં આવી હતી.
ડ્રોન ઉડાવવા માટે ખાસ પરવાનગી જરૂરી હોય છે, જે લોકેશન મેનેજર દ્વારા લેવામાં આવી નહોતી. આ જ કારણસર એફઆઈઆર નોંધાઈ અને ત્યારબાદ અથોરિટીઝે કાર્યવાહી કરી ફિલ્મની શૂટિંગ રોકી દીધી. મુંબઈનો ફોર્ટ વિસ્તાર ખૂબ જ સુરક્ષિત અને સંવેદનશીલ વિસ્તાર છે અને ત્યાં ડ્રોન શોટ્સ લેવા માટે પરવાનગી લેવી ફરજિયાત છે.ધુરંધર 2ના લોકેશન મેનેજર રિંકુ રાજપાલ વાલ્મિકીએ આ પરવાનગીઓ લીધી નહોતી, જેના કારણે આખી ફિલ્મ ટીમને મુશ્કેલીનો સામનો કરવો પડ્યો.
સેટ તૈયાર હતો અને સ્ટાર કાસ્ટે પોતાની તારીખો પણ આપી હતી, છતાં શૂટિંગ થઈ શકી નહોતી. જોકે આજે સવારે રણવીર સિંહને શૂટ પર જતા સ્પોટ કરવામાં આવ્યા હતા. જેને જોઈને એવું કહી શકાય કે હવે મામલો સોલ્વ થઈ ગયો છે અને રણવીર સિંહ ફરીથી શૂટિંગ પર નીકળી ચૂક્યા છે.ધુરંધર 2ના ટીઝરની વાત કરીએ તો ટીઝરને ખૂબ સ્માર્ટ રીતે કટ કરવામાં આવ્યો છે.
વાર્તામાં આગળ શું થવાનું છે તેનો કોઈ ખુલાસો કરવામાં આવ્યો નથી. પરંતુ સીન જોઈને એટલું તો સમજાય છે કે ધુરંધર 2માં બે કહાણીઓ સાથેસાથે ચાલશે. એક રણવીર સિંહના હમજા બનતા પહેલા ની કહાણી અને બીજી હમજા બની ગયા બાદ તેમની પોલિટિક્સમાં એન્ટ્રી પછીની કહાણી. એટલે કે બેક સ્ટોરી અને કરંટ સ્ટોરી બંને એકસાથે આગળ વધતી જોવા મળશે. ટીઝર જોઈને એવું લાગે છે કે ફિલ્મમાં કહાણી અને પ્રેઝન્ટેશન બંને ખૂબ જ દમદાર રહેવાના છે.
