ભારતના પૂર્વ મહાન બેટ્સમેન સચિન તેંડુલકર હવે સસરા બનવાના છે. તેઓ પોતાના પરિવાર સાથે પ્રધાનમંત્રીના નિવાસ સ્થાને મળવા પહોંચ્યા હતા. આ દરમિયાન સચિને પોતાના પુત્ર અર્જુન તેંડુલકર અને સાનિયાના લગ્નનું આમંત્રણ પ્રધાનમંત્રીને આપ્યું. સચિન તેંડુલકરની સંપૂર્ણ ફેમિલી આ મુલાકાત દરમિયાન સાથે હતી
અને તેની માહિતી ખુદ પૂર્વ ભારતીય દિગ્ગજ ખેલાડીએ આપી હતી. તેમણે પોસ્ટ કરીને જણાવ્યું કે તેઓ પ્રધાનમંત્રી મોદીજીને પોતાના પુત્રના લગ્નમાં આમંત્રિત કરવા ગયા હતા.તમને જણાવી દઈએ કે અર્જુન અને સાનિયાના લગ્ન આવતા મહિને એટલે કે માર્ચમાં યોજાનાર છે. રિપોર્ટ્સ મુજબ 5 માર્ચે લગ્ન સમારોહ યોજાશે. માનવામાં આવે છે કે 3 માર્ચથી 5 માર્ચ વચ્ચે અર્જુન લગ્નના બંધનમાં બંધાશે. ઇન્સ્ટાગ્રામ પર પોસ્ટ કરતાં સચિને લખ્યું કે અમને માનનીય પ્રધાનમંત્રી નરેન્દ્ર મોદીજીને અર્જુન અને સાનિયાના લગ્નમાં આમંત્રિત કરીને ખૂબ આનંદ થયો.
યુવા દંપતી માટે આપના આશીર્વાદ અને માર્ગદર્શન બદલ આભાર.સાનિયા ચંડોકની વાત કરીએ તો તેઓ એક હાઇ પ્રોફાઇલ પરિવારથી આવે છે. તેમનો પરિવાર મોટા બિઝનેસ સાથે જોડાયેલો છે. તેમના દાદા ગ્રેવસ ગ્રુપને લીડ કરે છે, જેમની પાસે દ બ્રુકલિન ક્રીમરી અને બાસ્કિન રોબિન્સ જેવા જાણીતા આઇસ્ક્રીમ બ્રાન્ડ્સની જવાબદારી છે. મિનિસ્ટ્રી ઓફ કોર્પોરેટ અફેર્સના રેકોર્ડ મુજબ સાનિયા હાલમાં મુંબઈમાં મિસ્ટર પોઝ ડિઝાઇનેટેડ પાર્ટનર અને ડિરેક્ટર તરીકે કાર્યરત છે. સાનિયા ચંડોકના દાદાજીનું નામ રવિ ઘઈ છે, જે જાણીતા બિઝનેસમેન છે.
મુંબઈમાં તેમના ઘણા મોટા હોટેલ્સ પણ છે. સાનિયાના પિતા ગૌરવ ઘઈ પણ પારિવારિક બિઝનેસ સાથે જોડાયેલા છે અને સફળ બિઝનેસમેન તરીકે ઓળખાય છે.ઉંમરના અંતરની વાત કરીએ તો અર્જુનની ઉંમર 26 વર્ષ છે જ્યારે તેમની થનારી પત્ની 27 વર્ષની છે, એટલે કે તેઓ અર્જુન કરતાં એક વર્ષ મોટી છે. અર્જુન તેંડુલકર ડાબા હાથના ઝડપી બોલર તરીકે પોતાનું ક્રિકેટ કારકિર્દી બનાવી રહ્યા છે. તેઓ ઘરેલું ક્રિકેટમાં ગોવાની ટીમનું પ્રતિનિધિત્વ કરે છે અને અગાઉ ઇન્ડિયન પ્રીમિયર લીગમાં મુંબઈ ઇન્ડિયન્સ માટે પણ રમી ચૂક્યા છે.તમને એ પણ જણાવી દઈએ કે સચિન તેંડુલકર અને તેમના પરિવારે પ્રધાનમંત્રી મોદીજી સિવાય રાહુલ ગાંધી સાથે પણ મુલાકાત કરી હતી અને તેમને પણ લગ્નનું આમંત્રણ પાઠવ્યું હતું. તેની માહિતી સચિને પોતાના એક્સ એકાઉન્ટ પર શેર કરી હતી.હાલ માટે એટલું જ.
