અમેરિકી રાષ્ટ્રપતિ ડોનાલ્ડ ટ્રમ્પે ઈરાનને બાસ્ટર્ડ કહીને હોર્મુઝ સ્ટ્રેટ ન ખોલવા પર મોટા હુમલાની ધમકી આપી. તેમણે કહ્યું કે જો ઈરાને હોર્મુઝ ન ખોલ્યું તો તેઓ તેને નરક બનાવી દેશે. આ સાથે તેમણે ઈરાનમાં પાવર પ્લાન્ટ અને પુલો પર હુમલો કરવાની વાત કરી.
ટ્રમ્પે રવિવારે સોશિયલ મીડિયા પર લખ્યું કે ઈરાનમાં મંગળવારે પાવર પ્લાન્ટ ડે અને બ્રિજ ડે એક સાથે હશે હુમલો થશે. ઈરાન હોર્મુઝ સ્ટ્રેટ ખોલી દે, નહીં તો નરક જેવી સ્થિતિમાં પહોંચી જશે. અમેરિકાએ આ પહેલા ગુરુવારે ઈરાનની રાજધાની તેહરાનને કરાજ શહેર સાથે જોડતા B1 હાઈવે બ્રિજ પર હુમલો કર્યો હતો.આ પુલ આ વર્ષે જ શરૂ થયો હતો અને તેને મિડલ ઈસ્ટનો સૌથી ઊંચો પુલ માનવામાં આવે છે. લગભગ 1050 મીટર લાંબા અને 136 મીટર ઊંચા આ પુલને બનાવવામાં લગભગ 400 મિલિયન ડોલર (લગભગ ₹3,800 કરોડ) ખર્ચ થયા હતા.
ઈરાનના એક સુરક્ષા અધિકારીએ રવિવારે ચેતવણી આપતા કહ્યું કે, “અમારી પાસે અમેરિકા અને ઈઝરાયલ માટે મોટું સરપ્રાઈઝ છે, બસ થોડી રાહ જોવી પડશે.”ફાર્સ ન્યૂઝ એજન્સી અનુસાર, તેમણે અમેરિકાના નિશાનોને ખોટા ગણાવ્યા અને પુલો પર હુમલાની ટ્રમ્પની ધમકીને મજાકિયા કહી.
તેમણે કહ્યું કે આ ધમકીઓ અમેરિકી સૈન્ય કાર્યવાહીની નિષ્ફળતા દર્શાવે છે.ઈરાની અધિકારીઓએ કહ્યું કે જો હુમલા વધારવામાં આવશે તો અમેરિકાની હાલત નર્ક કરતાં પણ ખરાબ થઈ શકે છે. આર્મી હેડક્વાર્ટર ખાતમ અલ-અનબિયાના પ્રવક્તા ઇબ્રાહિમ ઝુલ્ફાગારીએ કહ્યું કે, “ઈરાનને હરાવવાનું સપનું હવે એક દલદલ બની ગયું છે, જેમાં અમેરિકા અને ઇઝરાયલ ફસાતા જઈ રહ્યા છે.”
