પ્રિયંકાની દીકરી મિરેકલ બેબી છે. નાની માલતીએ 100 દિવસ સુધી જીવન માટે જંગ લડી. દીકરીની હાલત જોઈ પ્રિયંકા અને નિક પળે પળે તડપતા રહ્યા. હોસ્પિટલના આઈસિયુમાં માલતીએ મોતને માત આપી. અને જ્યારે દીકરીને ઘરે લાવવામાં આવી, ત્યારે મમ્મી પ્રિયંકાએ પોતાના જજ્બાત વ્યક્ત કર્યા.હા, દરરોજ ડર અને દરરાતે દુઆ. આવી હતી પ્રિયંકા ચોપડાની માતૃત્વની કહાની. બોલીવુડની દેશી ગર્લ આજે અમેરિકા ની વહુ અને ગ્લોબલ આઇકન બની ચૂકી છે. પ્રિયંકાને આખી દુનિયા ઓળખે છે. પરંતુ પ્રિયંકાની આખી દુનિયા તો માત્ર એક જ વ્યક્તિ છે,
અને એ છે તેની નાની લાડલી દીકરી માલતી.પ્રિયંકા અને નિકની દીકરી માલતી બોલીવુડના સૌથી પોપ્યુલર સ્ટાર કિડ્સમાંની એક છે. દીકરી સાથે જોડાયેલી અપડેટ્સ પ્રિયંકા અને નિક સોશિયલ મીડિયા પર વારંવાર શેર કરતા રહે છે. પરંતુ શું તમે જાણો છો કે પ્રિયંકા પોતાની લાડલીને ફાઇટર કહે છે. તેણે માલતીને મિરેકલ બેબી કહેલી છે.હકીકતમાં પ્રિયંકા અને તેના પતિ નિક જોનાસે 15 જાન્યુઆરી 2022ના રોજ સરોગસી દ્વારા પોતાની દીકરી માલતીનું સ્વાગત કર્યું હતું. પરંતુ માલતીનો જન્મ કપલ માટે ખુશી કરતાં વધુ દુખ, ડર, આંસુ અને પીડા લઈને આવ્યો હતો.
માલતીનો જન્મ સમય કરતાં લગભગ 12 અઠવાડિયા પહેલો થયો હતો. તે એક પ્રીમેચ્યોર બેબી હતી. તેથી જન્મ થયા બાદ તરત જ નાની માલતીને એનઆઈસિયુમાં ખસેડવામાં આવી. જ્યાં તેણે ત્રણ મહિના કરતાં વધુ સમય સુધી જીવન માટે જંગ લડી.દીકરીના જન્મ બાદ પ્રિયંકાએ ખુલાસો કર્યો હતો કે તે અનેક વખત માલતીને ગુમાવાની કગાર પર હતી. ક્યારેક તેની આશાઓ તૂટી જતી, તો ક્યારેક ડોક્ટરની નાની સકારાત્મક માહિતી તેના અંદર નવી આશા જગાવી દેતી. માલતીના જન્મ અંગે પ્રિયંકાએ કહ્યું હતું કે જ્યારે તે આ દુનિયામાં આવી ત્યારે હું ઓપરેશન રૂમમાં હતી. તે કદમાં તો હાથ કરતાં પણ નાની હતી. મેં ઇન્ટેન્સિવ કેરમાં નર્સોને કામ કરતા જોયા. તેઓ ભગવાન માટે કામ કરતા હોય એવું લાગતું હતું. જ્યારે તેઓ દીકરીના શરીરમાં ટ્યુબ નાખી રહ્યા હતા, ત્યારે હું અને નિક ત્યાં ઊભા રહીને બધું જોઈ રહ્યા હતા.
મને ખબર નહોતી કે તેઓ કેવી રીતે જાણે છે કે ટ્યુબ ક્યાં ઇન્સર્ટ કરવી. મને એ પણ ખબર નહોતી કે દીકરી બચશે કે નહીં.આ સમયગાળા દરમિયાન નિક જોનાસ સંપૂર્ણ રીતે પ્રિયંકા સાથે ઊભા રહ્યા. તેમણે પછી જણાવ્યું હતું કે આ મુશ્કેલ સમય તેમના સંબંધને વધુ મજબૂત બનાવી ગયો. માલતી સાથે હોસ્પિટલમાં વિતાવેલા આ અતિ કઠિન દિવસોને યાદ કરતાં પ્રિયંકાએ એક ઇન્ટરવ્યૂમાં કહ્યું હતું કે હું અનેક વખત તેને ગુમાવાની નજીક હતી. હું બસ તેને ખુશ જોવા માંગતી હતી. તે બહુ સ્માઇલી અને ખુશ રહેતી બેબી છે. મારો એકમાત્ર લક્ષ્ય તેને ખુશ રાખવાનો છે. જ્યારે પણ તે હસે છે, ત્યારે મારું આખું જગત ઉજળી ઊઠે છે.જ્યારે માલતી એનઆઈસિયુમાં હતી, ત્યારે પ્રિયંકા અને નિક બંનેએ પોતાનું શેડ્યૂલ એ રીતે ગોઠવ્યું હતું કે દીકરી ક્યારેય એકલી ન રહે. બંનેમાંથી કોઈ એક હંમેશા માલતીની પાસે હાજર રહેતું હતું.
અને પછી 100 દિવસ બાદ જ્યારે ડોક્ટર્સે દીકરીને ઘરે લઈ જવાની પરમિશન આપી, તે દિવસ કપલની જિંદગીનો સૌથી યાદગાર દિવસ બની ગયો.હાલ હોસ્પિટલથી ડિસ્ચાર્જ કરીને ઘરે લાવ્યા બાદ પણ પ્રિયંકાનો ડર ઓછો થયો ન હતો. પ્રિયંકાએ એક ઇન્ટરવ્યૂમાં જણાવ્યું હતું કે ઘરે આવ્યા બાદ પણ તે લાંબા સમય સુધી દીકરીને લઈને ચિંતામાં રહેતી હતી. ઘણી રાતો તે ટેન્શનના કારણે સારી રીતે સૂઈ શકતી નહોતી. રાતે 2 વાગ્યે ઉઠીને તે દીકરીના છાતી પર કાન રાખીને તેની ધડકનો સાંભળતી હતી.માહિતી માટે જણાવીએ કે પ્રિયંકા ચોપડા અને નિક જોનાસે લગ્નના ત્રણ વર્ષ બાદ દીકરીનું સ્વાગત કર્યું હતું. કેટલીક મેડિકલ સમસ્યાઓના કારણે પ્રિયંકા સ્વાભાવિક રીતે માતા બની શકતી નહોતી. તેથી કપલે સરોગસીનો સહારો લીધો હતો. નાની માલતી તેના પાપાની હૂબહૂ નકલ લાગે છે.બ્યુરો રિપોર્ટ ઈ2
