બાંગ્લાદેશમાં આ સમયે તણાવભર્યું વાતાવરણ છે. વિદ્યાર્થી નેતા ઉસ્માન હાદીના મૃત્યુ બાદ ફેલાયેલી હિંસા હજી શમી પણ ન હતી કે એક વધુ સનસનાટીભરી ઘટના સામે આવી છે. અજ્ઞાત હુમલાખોરોએ નેશનલ સિટિઝન પાર્ટી એટલે કે એનસીપી સાથે જોડાયેલા એક નેતા પર હુમલો કર્યો છે. આ ઘટનાએ દેશમાં ચાલી રહેલા તણાવને વધુ વધારી દીધો છે. સૂત્રોના જણાવ્યા મુજબ બીએનપીના ખુલના મંડળ પ્રમુખ મોહમ્મદ મોતલેબ શિકદરને સોમવારે ગોળી મારી દેવામાં આવી. ગોળી તેમના માથાની ડાબી બાજુ વાગી છે. હુમલા બાદ તેમને તરત જ હોસ્પિટલ લઈ જવામાં આવ્યા હતા. જ્યાં તેઓ હાલ સારવાર માટે દાખલ છે અને તેમની હાલત પર સતત નજર રાખવામાં આવી રહી છે.આ હુમલો એવા સમયે થયો છે
જ્યારે સમગ્ર બાંગ્લાદેશમાં ગયા અઠવાડિયે શરીફ ઉસ્માન હાદીના મૃત્યુ બાદ હિંસક વિરોધ પ્રદર્શન ચાલી રહ્યા છે. હાદીની હત્યા બાદ અનેક શહેરોમાં રસ્તા બંધ, તોડફોડ અને અથડામણોની ઘટનાઓ સામે આવી છે. મોતલેબ શિકદર પરનો હુમલો તે સમયે થયો હતો જ્યારે તેમણે ખુલ્લેઆમ નિવેદન આપ્યા હતા કે ઢાકા દિલ્હી વિરોધી તાકાતોને આશરો આપે છે. આ નિવેદનોને લઈને ભારત અને બાંગ્લાદેશના સંબંધોમાં પણ તણાવની વાત થઈ રહી છે.
ચાલો આવા સમયે સમજીએ કે આખરે બાંગ્લાદેશમાં કેટલા હિંદુઓ છે. ત્યાંની કરન્સી ભારતની કરન્સી કરતા કેટલી આગળ કે પાછળ છે. આ વીડિયો દ્વારા તમને આ બાબત જણાવીએ. ખરેખર બાંગ્લાદેશમાં હિંસા ભડકતા ત્યાંની હિંદુ વસતી ફરી એકવાર ચિંતિત બની છે. કહેવાય છે કે ધર્મના અપમાનના આરોપમાં કેટલાક લોકોના જૂથે પહેલા એક હિંદુ યુવકની માર મારીને હત્યા કરી દીધી. આવી સ્થિતિમાં હિંદુ વસતીનું ચિંતિત થવું સ્વાભાવિક છે. તેમ છતાં બાંગ્લાદેશમાં શેખ હસીના સરકારના પતન બાદ હિંદુઓ પર હુમલાઓ વધ્યા છે.એક રિપોર્ટ મુજબ બાંગ્લાદેશમાં વર્ષ 2022માં થયેલી જનગણનામાં 13.1 મિલિયનથી થોડા વધુ હિંદુઓની વસ્તી સામે આવી હતી.
હિંદુઓની આ વસતી બાંગ્લાદેશની કુલ વસતીનો 7.96 ટકા ભાગ છે. એટલે કે બાંગ્લાદેશમાં આશરે 1 કરોડ 30 લાખ હિંદુઓ છે. બાંગ્લાદેશના આઠ ડિવિઝનોમાં હિંદુઓની વસતીનો હિસ્સો અલગ અલગ છે. મેમસિંહમાં 3.94 ટકા થી લઈને સિલ્હેટમાં 13.51 ટકા સુધી હિંદુઓ છે. માહિતી મુજબ બાંગ્લાદેશના 64 જિલ્લાઓમાં ચાર એવા છે જ્યાં દરેક પાંચમાં એક વ્યક્તિ હિંદુ છે. 2022ની ગણતરી મુજબ 13 જિલ્લાઓમાં હિંદુ વસતી 15 ટકા કરતાં વધુ હતી. જ્યારે 21 જિલ્લાઓમાં હિંદુ વસતી 10 ટકા કરતાં વધુ હતી. ઢાકા ડિવિઝનમાં ગોપાલગંજ, સિલ્હેટ ડિવિઝનમાં મૌલવી બજાર, રંગપુર ડિવિઝનમાં ઠાકુરગાંવ અને ખુલના ડિવિઝનમાં ખુલનામાં હિંદુઓની સંખ્યા વધુ છે. બાંગ્લાદેશમાં અન્ય અલ્પસંખ્યકો એટલે કે બૌદ્ધ, ખ્રિસ્તી વગેરે મળીને એક ટકાથી પણ ઓછા છે. બાંગ્લાદેશની 165 મિલિયન વસતીમાં 91 ટકા મુસ્લિમ છે.
એટલે કે આશરે 16 કરોડ 50 લાખ મુસ્લિમ.હવે વાત કરીએ બાંગ્લાદેશની કરન્સીની. જો બાંગ્લાદેશની કરન્સીની તુલના ભારત સાથે કરીએ તો જાણવા મળે છે કે બાંગ્લાદેશી કરન્સી ટાકાની કિંમત ભારતીય રૂપિયા સામે ઘણી ઓછી છે. એટલે કે ભારતીય રૂપિયાની કિંમત બાંગ્લાદેશમાં વધારે છે. voice.comના રિપોર્ટ મુજબ 1 રૂપિયાની કિંમત બાંગ્લાદેશમાં 1.37 ટાકા જેટલી છે. આ પ્રમાણે જો કોઈ ભારતીય બાંગ્લાદેશમાં 1 લાખ રૂપિયા લઈને જાય તો ત્યાં તેની કિંમત 1 લાખ 36 હજાર 551 ટાકા થશે. ભારતની કરન્સી કોડ આઈએનઆર છે અને બાંગ્લાદેશની કરન્સી કોડ બીડિટી છે.
