દેશમાં ઓનલાઈન સટ્ટાબાજી સામેની કાર્યવાહી હવે નિર્ણાયક વળાંક પર પહોંચી ગઈ છે. તપાસ એજન્સીઓ હવે એવા ચહેરાઓ સુધી પહોંચી રહી છે, જેમનો પ્રભાવ કરોડો લોકો પર છે. પ્રવર્તન એજન્સીઓનું ધ્યાન માત્ર પૈસાં પર જ નહીં, પરંતુ એ નેટવર્ક પર પણ છે,
જે ડિજિટલ પ્લેટફોર્મ મારફતે વિશ્વાસ અને સરકારી નિયમોને પડકાર આપી રહ્યું છે.દેશના સૌથી મોટા સિતારા, ક્રિકેટનો સિક્સર કિંગ અને બોલીવુડની ચમકતી દુનિયા, આજે તમામ પર ઈડીનું શિકંજો કસાયો છે. સોનૂ સૂદ, ઉર્વશી રૌટેલા, યુવરાજ સિંહ સહિત અનેક મોટા નામો આ કેસમાં સામેલ છે. કરોડોની સંપત્તિ અટેચ કરવામાં આવી છે. મામલો ગેરકાયદેસર ઓનલાઈન બેટિંગ એપ વન એક્સ બેટ સાથે જોડાયેલો છે.
વન એક્સ બેટ પોતાને ગ્લોબલ બુકિંગ પ્લેટફોર્મ તરીકે રજૂ કરે છે. 18 વર્ષનો અનુભવ, 70 ભાષાઓમાં વ્યવસાય અને હજારો રમતો પર દાવ લગાવવાની સુવિધા હોવાનો દાવો કરે છે. પરંતુ ભારતમાં કોઈ પણ સરકારી મંજૂરી વગર ઓનલાઈન સટ્ટાબાજીનો કાળો ધંધો ધડલ્લે ચાલતો હતો. ઈડીની તપાસમાં ગેરકાયદેસર પ્રમોશન અને મની લોન્ડરિંગના નેટવર્કનો ખુલાસો થયો.આ પછી ઈડીએ પીએમએલએ 2002 હેઠળ મોટું એક્શન લીધું.
વન એક્સ બેટ કેસ સાથે જોડાયેલા મની લોન્ડરિંગ મામલામાં કાર્યવાહી કરવામાં આવી છે. જેમની સંપત્તિ અટેચ કરવામાં આવી છે તેમાં યુવરાજ સિંહ, રોબિન ઉથપ્પા, ઉર્વશી રૌટેલા, સોનૂ સૂદ, મિમિ ચક્રવર્તી, અંકુશ હાઝરા અને નેહા શર્માના નામો સામેલ છે.હવે જાણીએ કે કયા સિતારાની કેટલી સંપત્તિ પર ઈડીનો બુલડોઝર ચાલ્યો. યુવરાજ સિંહ 2.5 કરોડ. રોબિન ઉથપ્પા 8.26 લાખ. ઉર્વશી રૌટેલા 2.02 કરોડ. સોનૂ સૂદ 1 કરોડ રૂપિયા. નેહા શર્મા 1.26 કરોડ. મિમિ ચક્રવર્તી 59 લાખ રૂપિયા. અંકુશ હાઝરા 47.20 લાખ રૂપિયા.ક્રિકેટર્સ, ફિલ્મી સ્ટાર્સ અને અહીં સુધી કે પૂર્વ સાંસદ પણ હવે ઈડીના નિશાને આવી ગયા છે.
આ ઈડીની પહેલી કાર્યવાહી નથી. અગાઉ પણ અનેક મોટા નામો સામે એક્શન લેવામાં આવ્યો છે. શિખર ધવનની 4.55 કરોડ અને સુરેશ રૈનાની 6.64 કરોડની સંપત્તિ ઈડીએ અટેચ કરી હતી. અત્યાર સુધી વન એક્સ બેટ કેસમાં 19 કરોડ રૂપિયાથી વધુની સંપત્તિ અટેચ કરવામાં આવી છે.સૂત્રો મુજબ તપાસનો વિસ્તાર ઝડપથી વધી રહ્યો છે. ઈડીને શંકા છે કે આ પ્રકારના પ્રમોશન દ્વારા યુવાઓને સટ્ટાની લત લગાડવામાં આવી અને દેશને કરોડો રૂપિયાનું નુકસાન પહોંચાડવાનો પ્રયાસ થયો. આવનારા દિવસોમાં અનેક વધુ મોટા નામો પૂછપરછના દાયરામાં આવી શકે છે.
માત્ર વન એક્સ બેટ જ નહીં, ઈડીએ દેશભરમાં અનેક મોટા સર્ચ ઓપરેશન પણ કર્યા છે. જેમાં 4.68 કરોડ રૂપિયા રોકડા, 5.9 કિલો સોનાના બિસ્કિટ, 313 કિલો ચાંદી, 50થી વધુ પાસપોર્ટ અને લક્ઝરી કારો જપ્ત કરવામાં આવી છે.આ તો માત્ર શરૂઆત છે. ચમકધમકની પાછળ જો કાળો પૈસો છે, તો ઈડીની નજરથી કોઈ બચી શકશે નહીં. આ કાર્યવાહી માત્ર સિતારાઓ સામે નથી, પરંતુ એક કડક સંદેશ છે કે કાયદાથી ઉપર કોઈ નથી.
