જાંબાજ 120 બહાદુરોની શૌર્યગાથા લઈને આવી રહ્યા છે ફરહાન અખ્તર. મિત્રને ઓલ ધ બેસ્ટ કહેવા માટે ધુરંધર પણ દોડીદોડી આવી પહોંચ્યો. ‘વૉર’ના મેજર કબીર ધાલીવાલ એટલે કે હૃતિક રોશને પણ રેડ કાર્પેટ પર પોતાનો આકર્ષક અંદાજ બતાવ્યો.
કાજોલ, કરણ જોહર, રેખા, અર્જુન, તબ્બુ, સચિન જેવા અનેક કલાકારોની હાજરીથી 120 બહાદુરના પ્રીમિયરનું વાતાવરણ ઝળહળી ઊઠ્યું.ફરહાન અખ્તરની બહુ અપેક્ષિત ફિલ્મ 120 બહાદુર આખરે 21 નવેમ્બરે રિલીઝ થવા જઈ રહી છે. આખા 4 વર્ષ પછી ફરહાન ડિરેક્ટર-પ્રોડ્યુસર સાથે સાથે હીરો તરીકે પણ સ્ક્રીન પર વાપસી કરી રહ્યા છે. ફિલ્મમાં તેઓ મેજર શૈતાનસિંહ ભાટીની ભૂમિકા ભજવી રહ્યા છે—જેઓ સહિત 120 બહાદુરોએ રેઝાંગલા ખાતે બર્ફીલી પરિસ્થિતિમાં શૌર્યનો ઇતિહાસ રચ્યો હતો.
બુધવારે રાત્રે ફરહાન અખ્તરે NMACCમાં ફિલ્મનું ભવ્ય પ્રીમિયર યોજ્યું, જેમાં આખું બોલીવુડ ઉમટી પડ્યું. ચાલો જોઈએ આ સ્ટાર-સ્ટડેડ સ્ક્રીનિંગની ઝલક:ફરહાન અખ્તરકાળા બંધગલા કુર્તા અને સફેદ પાયજામામાં ફરહાન ખૂબ જ ડીસેન્ટ દેખાયા. પત્ની શિવાની સાથે પણ તેમણે પોઝ આપ્યા. પિતા જાવેદ અખ્તર અને બહેન ઝોયા અખ્તર પણ કાર્યક્રમમાં હાજર રહ્યા. ઝોયાએ પોતાની બહેન ફરાહ ખાન સાથે કેમેરા સામે પોઝ આપ્યા.રાશી ખન્નાફિલ્મમાં મેજર શૈતાનસિંહની પત્નીની ભૂમિકા ભજવી રહેલી રાશી ખન્ના સોનેરી સાડીમાં ખૂબ સુંદર લાગી.
તે પરિવાર સાથે સ્ક્રીનિંગમાં હાજર રહી.હૃતિક રોશન અને સબા આઝાદફરહાનના ખાસ મિત્ર હૃતિક રોશન પણ પહોંચ્યા. વાઇટ શર્ટ અને બ્લૂ જીન્સમાં તેમનો લુક હંમેશની જેમ ડેશિંગ રહ્યો. સબા આઝાદને પણ ઇન્ડિયન વેશભૂષામાં રેડ કાર્પેટ પર સ્પોટ કરવામાં આવી.રણવીર સિંહધુરંધરની ધમાકેદાર એન્ટ્રી—પઠાણી કુર્તા અને સલવારમાં રણવીર સિંહ ઉમંગભેર ફરહાનને સપોર્ટ કરવા આવી પહોંચ્યા.અન્ય સ્ટાર્સકાજોલ પીળા વસ્ત્રોમાં નજર ખેંચી ગઈ.
કરણ જૌહરે પોતાના ફેશનથી ધ્યાન ખેંચ્યું. એવરગ્રીન રેખાનો ચાંદની અવતાર પણ જોવા મળ્યો. વેટરન અભિનેત્રીઓ આશા પારીખ અને બહે રેહમાન પણ ફરહાનને સપોર્ટ કરવા આવી.સોની રાજદાન, સચિન તેન્ડુલકર-અંજલી, અનુપમ ખેર, અર્જુન કપૂર, અર્જુન રામપાલ, ઝાહીદ ખાન, રિચા ચડ્ડા, ભાવના પાંડે, ચંકી પાંડે, નિલમ કોઠારી, સમીર સોની, ટાઈગર શ્રોફ, રણદીપ હૂડા સહિત અનેક સ્ટાર્સે રાતને યાદગાર બનાવી.
