સલમાન ખાન હાલમાં અબુ ધાબીમાં છે, જ્યાં તેઓ તેમના દબંગ ટૂર માટે ગયા છે. સલમાન ખાન સાથે ત્યાં જૅકલીન ફર્નાન્ડિસ, તમન્ના ભાટિયા, મનીષ પૉલ અને સુનીલ ગ્રોવર પણ દેખાયા. સલમાન ખાનએ આ ટૂર દરમિયાન શાનદાર પરફોર્મન્સ આપ્યું, જેના વિડિયોઝ આજે સોશિયલ મીડિયા પર જોરદાર રીતે વાયરલ થઈ રહ્યા છે.પરંતુ સલમાન ખાનનો એક બીજો વિડિયો પણ સોશિયલ મીડિયા પર વાયરલ થઈ રહ્યો છે, જેમાં તેઓ પોતાનો મી-ટાઈમ એન્જૉય કરતા દેખાઈ રહ્યા છે.
સલમાન ખાન સ્ટેજની સાઈડ પરથી અન્ય કલાકારોના પરફોર્મન્સ જોઈ રહ્યા છે અને આ દરમ્યાન તેઓ સ્મોક કરતા દેખાય છે. સલમાન ખાનના હાથમાં સિગારેટ છે અને તેઓ પોતાનો ટૂર એન્જૉય કરતા જણાઈ રહ્યા છે.કોઈએ સલમાનનો આ સ્મોકિંગનો વિડિયો પાછળથી બનાવીને સોશિયલ મીડિયા પર વાયરલ કર્યો છે. જ્યારે સલમાન જ્યાં રહે છે ત્યાં કડક સુરક્ષા રહેતી હોય છે,
છતાં કોણ ત્યાં સુધી પહોંચ્યું અને કોણે આ વિડિયો બનાવ્યો તે સ્પષ્ટ નથી. પરંતુ હા, સલમાનના દબંગ ટૂરનો આ વિડિયો હાલ ખુબ વાયરલ થઈ રહ્યો છે.આ પહેલી વાર નથી જ્યારે સલમાન ખાન કેમેરામાં સ્મોક કરતા પકડાયા હોય. અગાઉ પણ તેમની ઘણી જૂની વિડિયોઝ છે
જેમાં તેઓ સ્મોક કરતા દેખાયા છે. સલમાનની સ્મોકિંગ હેબિટ વિશે અશનીર ગ્રોવરએ એક વખત ખુલાસો કર્યો હતો કે સલમાનને થોડા-થોડા સમયાંતરે સિગારેટની જરૂર પડે છે. તેઓ પાતળી લાંબી સિગારેટ પીને પસંદ કરે છે. ફાઈવ-સ્ટાર હોટલના રૂમમાં મિટિંગ હોય અને ત્યાં સ્મોકિંગ એલાઉ ન હોય તો પણ સલમાન માટે અલગથી સ્મોકિંગની વ્યવસ્થા કરવામાં આવે છે.સોશિયલ મીડિયા પર વાયરલ થયેલા આ વિડિયો પર સલમાન ખાનના ફેન્સ બે ભાગમાં વહેંચાઈ ગયા છે. કેટલાક લોકો કહી રહ્યા છે કે “
સલમાનની હવે ઉમર થઈ ગઈ છે, તે 60ની નજીક છે, હવે તો તેમના પર જજમેન્ટ કરવાનું બંધ કરો… તેમને પોતાની જિંદગી પોતાના રીતે જીવવાનો હક છે.” કેટલાક લોકોને સ્મોકિંગનો શોખ હોય છે તો કેટલાકને દારૂનો — એ તેમની વ્યક્તિગત પસંદ છે.જ્યારે કેટલાક ફેન્સે તેમની હેલ્થની ચિંતા પણ વ્યક્ત કરી છે અને કહ્યું છે કે છેલ્લા થોડા સમયમાં સલમાનએ હેલ્થની દ્રષ્ટિએ ઘણું સહન કર્યું છે, તેથી હવે તેમને સ્મોકિંગ થોડું કંટ્રોલ કરવું જોઈએ.
