નહીં રહ્યા કાસીમ ચાચા! KGF ફેમ અભિનેતા હરીશ રાયનું નિધન થયું છે. ચાચાના અવસાનથી સાઉથ સુપરસ્ટાર યશ પર દુઃખનો પહાડ તૂટી પડ્યો છે. ગળાથી લઈને પેટ સુધી કૅન્સર ફેલાઈ ગયો હતો, પરંતુ સારવાર માટે પૈસા નહોતા.
સમયસર સારવાર ન મળતાં હરીશ રાયની સ્થિતિ વધુ ખરાબ થઈ ગઈ હતી. 63 વર્ષની ઉંમરે તેમણે અંતિમ શ્વાસ લીધા અને દુનિયાને અલવિદા કહી દીધી.હરીશ રાયે “KGF” ફિલ્મમાં રોકીના કાસીમ ચાચાની ભૂમિકા ભજવી હતી અને એ રોલથી જ તેમણે મોટી લોકપ્રિયતા મેળવી હતી. હવે તેમના અવસાનના સમાચાર સાંભળીને આખી ફિલ્મ ઈન્ડસ્ટ્રી શોકમગ્ન છે.માહિતી મુજબ, હરીશ રાય થાયરોઇડ કૅન્સરથી લાંબા સમયથી પીડાઈ રહ્યા હતા.
કૅન્સર તેમની પેટ સુધી ફેલાઈ ગયું હતું જેના કારણે તેઓ બહુ નબળા અને પાતળા થઈ ગયા હતા. પેટમાં પાણી ભરાઈ જવાથી તેમની સ્થિતિ વધુ ખરાબ થઈ ગઈ હતી.છેલ્લા કેટલાક વર્ષોથી હરીશ રાય ગંભીર રીતે બીમાર હતા. સારવાર માટે તેમને લાખો રૂપિયાના ઇન્જેક્શનની જરૂર હતી, પરંતુ આર્થિક તંગીને કારણે તે ખર્ચ ઉઠાવી શકતા નહોતા. કેટલાક ફિલ્મ સ્ટાર્સે તેમની મદદ માટે હાથ આગળ વધાર્યો હતો.હરીશ રાયે ખુદ જણાવ્યું હતું કે પૈસાની અછતને કારણે તેમણે સર્જરી મુલતવી રાખી હતી, કારણ કે તેમના પાસે પૈસા નહોતા.
તેમણે પોતાની ફિલ્મો રિલીઝ થાય તેની રાહ જોઈ હતી જેથી થોડી કમાણી મળી શકે. પરંતુ કૅન્સર ચોથી સ્ટેજ સુધી પહોંચી ગયું હતું અને તેમની તબિયત સતત ખરાબ થતી ગઈ.તેમણે પોતાના મિત્રો અને ઈન્ડસ્ટ્રીના લોકો પાસે આર્થિક મદદ માંગવા માટે વિડીયો પણ બનાવ્યો હતો, પરંતુ તે વિડીયો પોસ્ટ કરવાની હિંમત તેઓ કરી શક્યા નહોતા.
સાઉથ સુપરસ્ટાર યશે પણ તેમના ઈલાજ માટે આર્થિક મદદ કરી હતી, છતાં પણ તેમને બચાવી શકાયા નહોતા.હરીશ રાય 63 વર્ષની ઉંમરે કૅન્સર જેવી જીવલેણ બીમારી સામેની લડાઈ હારી ગયા અને પાછળ પત્ની તથા એક પુત્રને રડતા-બિલખતા છોડીને ગયા છે. તેમની પત્ની પતિના અવસાનથી ખંડિત થઈ ગઈ છે, અને પુત્ર પણ પિતાના વિયોગથી ગાઢ આઘાતમાં છે.ફિલ્મ ઈન્ડસ્ટ્રી તથા હરીશ રાયના ચાહકો નમ આંખોથી કાસીમ ચાચાને શ્રદ્ધાંજલિ આપી રહ્યા છે, અને આખી ઈન્ડસ્ટ્રીમાં શોકની લાગણી છવાઈ ગઈ છે.
