ગોવિંદા અને સુનિતા આહુજાની પુત્રી ટીના આહુજાએ તેમના છૂટાછેડા અંગે પહેલીવાર મૌન તોડ્યું છે. હિન્દુસ્તાન ટાઈમ્સને આપેલા ઇન્ટરવ્યુમાં ટીનાએ એક મોટી વાત કહી છે. ગોવિંદાના છૂટાછેડાના સમાચારે ફિલ્મ ઉદ્યોગમાં ખળભળાટ મચાવી દીધો છે. સુનિતા આહુજાના આ પગલાએ બધાને વિચારમાં મૂકી દીધા છે. ગોવિંદાની ટીમે પુષ્ટિ આપી છે કે સુનિતાએ ગયા વર્ષે 2024 માં બાંદ્રા કોર્ટમાં છૂટાછેડા માટે અરજી કરી હતી.
સુનિતાએ ગોવિંદા પર અફેર હોવાનો, તેને ત્રાસ આપવાનો અને તરછોડી દેવાનો પણ આરોપ લગાવ્યો છે. ગોવિંદાએ આ મામલે મૌન જાળવી રાખ્યું છે, તો સુનિતા પણ કંઈ કહેવા તૈયાર નથી. દરમિયાન, ગોવિંદા અને સુનિતાની પુત્રી ટીનાએ તેના માતાપિતાના છૂટાછેડા અંગે પોતાનું મૌન તોડ્યું છે. ટીનાએ હિન્દુસ્તાન ટાઇમ્સને કહ્યું, “આ બધી અફવાઓ છે અને હું આ અફવાઓ પર ધ્યાન આપતી નથી.” જ્યારે ટીનાને પૂછવામાં આવ્યું કે તેના માતાપિતા ઓનલાઈન આવા સમાચારો સાથે કેવી રીતે વ્યવહાર કરે છે?,
તો આના જવાબમાં તેણે કહ્યું, હું શું કહું? મારા પિતા હાલમાં દેશમાં નથી. હું આટલો સુંદર પરિવાર ધરાવીને ભાગ્યશાળી છું. મીડિયા, ચાહકો અને પ્રિયજનો તરફથી અમને મળેલા પ્રેમ અને સમર્થન માટે હું ખરેખર આભારી છું. બીજી તરફ, ગોવિંદાના મેનેજર શશિ સિંહાએ પણ છૂટાછેડાના સમાચાર પર પ્રતિક્રિયા આપી છે. મેનેજરે કહ્યું કે બધું બરાબર છે. અમે પહેલાની જેમ જ જીવી રહ્યા છીએ,
ગોવિંદાની ઓફિસ અને ઘર એકબીજાની ખૂબ નજીક છે. તેથી એમ કહેવું કે તેઓ અલગ રહી રહ્યા છે તે બિલકુલ ખોટું છે. બંને સાથે છે અને જીવન પહેલાની જેમ ચાલી રહ્યું છે. છૂટાછેડાના જે સમાચાર ઉભા થઈ રહ્યા છે તે ખરેખર જૂના છે અને તેને તાજા બનાવીને વારંવાર રજૂ કરવામાં આવી રહ્યા છે.
હોટરફ્લાયના તાજેતરના અહેવાલમાં દાવો કરવામાં આવ્યો છે કે સુનિતા ઔજાએ હિન્દુ લગ્ન અધિનિયમ 1955 ની કલમ હેઠળ ગોવિંદાથી છૂટાછેડા માટે અરજી કરી છે. તેણીએ ગોવિંદા પર અફેર, ક્રૂરતા અને તેને તરછોડી દેવાનો આરોપ લગાવ્યો છે. અત્યાર સુધી, સુનિતા કે ગોવિંદા તરફથી આ સંદર્ભમાં કોઈ નિવેદન આવ્યું નથી.
